ಬೆಂಗಳೂರು: ಹರ್ಷವರ್ದಿನಿ ರನ್ಯಾ ಅಲಿಯಾಸ್ ರನ್ಯಾ ರಾವ್ (33ವ), ಸ್ಯಾಂಡಲ್‌ವುಡ್ ನಟಿ ಕಳೆದ ಕೆಲವು ದಿನಗಳಿಂದ ಬೇಡದ ಕಾರಣಕ್ಕೆ ಸುದ್ದಿಯಾಗಿದ್ದಾರೆ. 1993 ರ ಬ್ಯಾಚ್ ಐಪಿಎಸ್ ಅಧಿಕಾರಿ, ಪೊಲೀಸ್ ಮಹಾನಿರ್ದೇಶಕ (ಕರ್ನಾಟಕ ರಾಜ್ಯ ಪೊಲೀಸ್ ವಸತಿ ನಿಗಮ) ರಾಮಚಂದ್ರ ರಾವ್ ಅವರ ಮಲಮಗಳು ಮತ್ತು ಬೆಂಗಳೂರು ಮೂಲದ ಪ್ರಸಿದ್ಧ ವಾಸ್ತುಶಿಲ್ಪಿ ಜೈತ್ನ್ ಹುಕ್ಕೇರಿ ಅವರ ಪತ್ನಿಯಾಗಿದ್ದು, ನಾಲ್ಕು ತಿಂಗಳ ಹಿಂದಷ್ಟೇ ವಿವಾಹವಾಗಿದ್ದರು.

ಮೊನ್ನೆ ಮಾರ್ಚ್ 3 ರ ರಾತ್ರಿ ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ (KIA) 1962 ರ ಕಸ್ಟಮ್ಸ್ ಕಾಯ್ದೆಯಡಿಯಲ್ಲಿ ಕಂದಾಯ ಗುಪ್ತಚರ ನಿರ್ದೇಶನಾಲಯ (DRI) 12.56 ಕೋಟಿ ರೂಪಾಯಿ ಮೌಲ್ಯದ 14.2 ಕೆಜಿ ಚಿನ್ನವನ್ನು ಕಳ್ಳಸಾಗಣೆ ಮಾಡಿದ್ದಕ್ಕಾಗಿ ಬಂಧಿಸುವವರೆಗೆ ರನ್ಯಾ ಬಾಳಲ್ಲಿ ಎಲ್ಲವೂ ಸುಗಮವಾಗಿ ಸಾಗುತ್ತಿತ್ತು.

ದುಬೈನಿಂದ ಎಮಿರೇಟ್ಸ್ ವಿಮಾನದಲ್ಲಿ ಬಂದಿಳಿದ ರನ್ಯಾ ಎಂಟ್ರೆನ್ಸ್ ಹಾಲ್ ನಲ್ಲಿ ಬರುತ್ತಿದ್ದ ವೇಳೆ ಬಂಧಿಸಿರುವ ಘಟನೆ ಕುತೂಹಲಕಾರಿಯಾಗಿದೆ. ಕಾನ್‌ಸ್ಟೆಬಲ್ (ಪ್ರೋಟೋಕಾಲ್) ಬಸವರಾಜ್ ಬೆಂಗಾವಲು ಪಡೆದು, ರನ್ಯಾ ಆಗಮಿಸಿದಾಗ ಡಿಆರ್‌ಐ ಅಧಿಕಾರಿಗಳು ಆಕೆಯನ್ನು ತಡೆದು ಪಕ್ಕಕ್ಕೆ ಕರೆದೊಯ್ದರು. ನಂತರ ಒಂದು ಕೆಜಿ ತೂಕದ 14 ಚಿನ್ನದ ಬಾರ್‌ಗಳನ್ನು ಆಕೆಯ ತೊಡೆಯ ಮೇಲೆ ಟೇಪ್ ಮತ್ತು ಬ್ಯಾಂಡೇಜ್‌ಗಳಿಂದ ಕಟ್ಟಿರುವುದನ್ನು ಕಂಡು ಬಂಧಿಸಿದರು.

ವಿದೇಶದಿಂದ ಚಿನ್ನ ಕಳ್ಳಸಾಗಣೆ ಹಿಂದಿನ ಕಾರ್ಯ ವಿಧಾನವೇ ಡಿಆರ್‌ಐ ಅಧಿಕಾರಿಗಳ ಗಮನ ಸೆಳೆದಿತ್ತು. ದುಬೈ ಇಂಟರ್‌ನ್ಯಾಷನಲ್‌ನಲ್ಲಿ ಕಠಿಣ ಭದ್ರತಾ ತಪಾಸಣೆಗಳನ್ನು ದಾಟಿ ರನ್ಯಾ ಬೆಂಗಳೂರಿಗೆ ಹೇಗೆ ತರುತ್ತಿದ್ದರು, ಭದ್ರತಾ ಸಿಬ್ಬಂದಿ ಚಿನ್ನ ಹಸ್ತಾಂತರಿಸಿರುವುದರ ಹಿಂದೆ ಒಳಸಂಚು ಕೆಲಸ ಮಾಡಿರಬಹುದೇ?

ಇದರ ಹಿಂದಿನ ಪ್ರಭಾವಿ ವ್ಯಕ್ತಿ ಯಾರು, ಕಳ್ಳಜಾಲ ಕೃತ್ಯ ಎಷ್ಟು ದೊಡ್ಡದಾಗಿದೆ, ಬೆಂಗಳೂರಿನಲ್ಲಿ ಕಳ್ಳಸಾಗಣೆ ಹಳದಿ ಲೋಹದ ಫಲಾನುಭವಿ ಯಾರು ಕೆಲಸದಲ್ಲಿ ಕಿಕ್ ಬ್ಯಾಕ್ ಪಡೆಯುತ್ತಿರುವ ಅಧಿಕೃತ ಒಳಸಂಚು ಇದೆಯೇ? ಅವರು ಅಂತಾರಾಷ್ಟ್ರೀಯ ಕಳ್ಳಸಾಗಣೆ ಸಿಂಡಿಕೇಟ್‌ನ ಸದಸ್ಯರಾಗಿದ್ದಾರೆಯೇ ಅಥವಾ ಲಂಚ ಪಡೆದು ಇದನ್ನು ಮುಚ್ಚಿಹಾಕುತ್ತಿದ್ದರೇ ಹೀಗೆ ಹತ್ತಾರು ಪ್ರಶ್ನೆಗಳು ಉದ್ಭವಿಸುತ್ತದೆ.

ಕಳೆದ ಒಂದು ವರ್ಷದಲ್ಲಿ ದುಬೈ ಮತ್ತು ಇತರ ಕೆಲವು ದೇಶಗಳಿಗೆ 25 ಬಾರಿ, ಬಂಧನಕ್ಕೆ ಹದಿನೈದು ದಿನಗಳಲ್ಲಿ ನಾಲ್ಕು ಬಾರಿ ಅವರು ಆಗಾಗ್ಗೆ ಭೇಟಿ ನೀಡಿದ್ದು, ಕೆಐಎಯಲ್ಲಿ ಡಿಆರ್‌ಐ ಮತ್ತು ಕಸ್ಟಮ್ಸ್ ಅಧಿಕಾರಿಗಳ ಗಮನ ಸೆಳೆದಿತ್ತು, ರನ್ಯಾ ಪ್ರಯಾಣದ ಟಿಕೆಟ್‌ಗಳು, ಸ್ಥಳಗಳು, ಸಾರಿಗೆ ಮತ್ತು ಪಾವತಿ ವಿಧಾನಗಳನ್ನು ಬುಕ್ ಮಾಡುವ ಜನರು/ಏಜೆನ್ಸಿಗಳು ಪರಿಶೀಲಿಸಲ್ಪಟ್ಟವು. ಅಂತಾರಾಷ್ಟ್ರೀಯ ವಿಮಾನಗಳಲ್ಲಿ ವಿಮಾನ ನಿಲ್ದಾಣಕ್ಕೆ ಬರುವಾಗ ವಿಐಪಿ ಚಾನೆಲ್‌ಗಳನ್ನು ಅಕ್ರಮವಾಗಿ ಬಳಸಿ ನಿರ್ಗಮಿಸುತ್ತಿದ್ದರಿಂದ ಮತ್ತು ವಿಮಾನ ನಿಲ್ದಾಣಕ್ಕೆ ಪ್ರವೇಶಿಸುತ್ತಿದ್ದರಿಂದ ಗುಪ್ತಚರ ಪರಿಶೀಲನೆಯಿಂದ ಹೇಗೆ ತಪ್ಪಿಸಿಕೊಳ್ಳುತ್ತಿದ್ದರು ಎಂಬುದು ಇಲ್ಲಿ ಪ್ರಶ್ನೆಯಾಗಿದೆ.

ಮಾರ್ಚ್ 4 ರಂದು, ಬಂಧನದ ಮರುದಿನ, ಬೆಂಗಳೂರಿನ ರನ್ಯಾ ಅವರ ಮನೆ - ನಂ. 62, ಲಾವೆಲ್ಲೆ ರಸ್ತೆಯಲ್ಲಿರುವ ನಂದ್ವಾನಿ ಮ್ಯಾನ್ಷನ್ - ಮೇಲೆ ದಾಳಿ ನಡೆಸಿದ ಸಂದರ್ಭದಲ್ಲಿ 2.06 ಕೋಟಿ ಮೌಲ್ಯದ ಚಿನ್ನಾಭರಣ ಮತ್ತು 2.67 ಕೋಟಿ ನಗದನ್ನು ಡಿಆರ್ ಐ ವಶಪಡಿಸಿಕೊಂಡಿದೆ. ಪ್ರಕರಣದಲ್ಲಿ ಒಟ್ಟು ವಶಪಡಿಸಿಕೊಳ್ಳಲಾದ ಮೊತ್ತ 17.29 ಕೋಟಿ ರೂಪಾಯಿಗಳಾಗಿದ್ದು, ಇದರಲ್ಲಿ 4.73 ಕೋಟಿ ಮೌಲ್ಯದ ಆಸ್ತಿಗಳು ಸೇರಿವೆ.

ಮಾರ್ಚ್ 4 ರಂದು ಬೆಂಗಳೂರಿನ ಆರ್ಥಿಕ ಅಪರಾಧ ನ್ಯಾಯಾಲಯದ ಮುಂದೆ ಅವರನ್ನು ಹಾಜರುಪಡಿಸಿ ಮಾರ್ಚ್ 18 ರವರೆಗೆ ನ್ಯಾಯಾಂಗ ಬಂಧನದಲ್ಲಿ ಇರಿಸಲಾಗಿದೆ.

ನ್ಯಾಯಾಲಯದ ಮುಂದೆ ಅವರು ಸ್ವಯಂಪ್ರೇರಿತ ಹೇಳಿಕೆಯಲ್ಲಿ, ಮಾರ್ಚ್ 3 ಮತ್ತು 4 ರ ನಡುವೆ ತಮ್ಮ ಬಳಿಯಿಂದ 17 ಚಿನ್ನದ ಗಟ್ಟಿಗಳನ್ನು ಡಿಆರ್‌ಐ ವಶಪಡಿಸಿಕೊಂಡಿದ್ದಾರೆ ಎಂದು ಒಪ್ಪಿಕೊಂಡಿದ್ದಾರೆ. ಇತ್ತೀಚಿನ ದಿನಗಳಲ್ಲಿ ಯುರೋಪ್, ಅಮೆರಿಕ, ಮಧ್ಯಪ್ರಾಚ್ಯ, ದುಬೈ ಮತ್ತು ಸೌದಿ ಅರೇಬಿಯಾಕ್ಕೆ ಭೇಟಿ ನೀಡಿದ್ದೇನೆ ಎಂದು ಹೇಳಿದ್ದು, ಆದರೆ ಎಷ್ಟು ಬಾರಿ ವಿದೇಶಗಳಿಗೆ ಹೋಗಿದ್ದೇನೆ ಎಂದು ತಿಳಿಸಿಲ್ಲ.

ಸೆಪ್ಟೆಂಬರ್ 14, 1991 ರಂದು ಚಿಕ್ಕಮಗಳೂರಿನಲ್ಲಿ ಜನಿಸಿದ ರನ್ಯಾ, ರಿಯಲ್ ಎಸ್ಟೇಟ್ ಏಜೆಂಟ್ ಕೆ.ಎಸ್. ಹೆಗ್ದೇಶ್ ಅವರ ಮಗಳು. ಅವರ ತಾಯಿ ಡಿಜಿಪಿ ರಾಮಚಂದ್ರ ರಾವ್ ಅವರ ಎರಡನೇ ಪತ್ನಿ. ರನ್ಯಾ 12 ನೇ ತರಗತಿಯವರೆಗೆ ಓದಿದ್ದು, ತಮ್ಮನ್ನು ಚಿತ್ರನಟಿ, ವನ್ಯಜೀವಿ ಛಾಯಾಗ್ರಾಹಕಿ ಮತ್ತು ದುಬೈನಲ್ಲಿ ರಿಯಲ್ ಎಸ್ಟೇಟ್‌ನಲ್ಲಿ ಸ್ವತಂತ್ರ ಉದ್ಯೋಗಿ ಎಂದು ಹೇಳಿಕೊಂಡಿದ್ದಾರೆ.

2014 ರಲ್ಲಿ ಸುದೀಪ್ ನಾಯಕ ನಟನಾಗಿ ನಟಿಸಿದ 'ಮಾಣಿಕ್ಯ' ಚಿತ್ರದ ಮೂಲಕ ಸ್ಯಾಂಡಲ್‌ವುಡ್‌ಗೆ ಪದಾರ್ಪಣೆ ಮಾಡಿದರು, ಇದರಲ್ಲಿ ಅವರು ಕಿಚ್ಚ ಸುದೀಪ್ ಮತ್ತು ವಿ ರವಿಚಂದ್ರನ್ ಅವರೊಂದಿಗೆ ಮಾನಸ ಪಾತ್ರವನ್ನು ನಿರ್ವಹಿಸಿದರು. 2016 ರಲ್ಲಿ 'ವಾಘಾ' ಚಿತ್ರದ ಮೂಲಕ ತಮಿಳು ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದರು, ಇದರಲ್ಲಿ ಅವರು ವಿಕ್ರಮ್ ಪ್ರಭು ಅವರೊಂದಿಗೆ ಖಾನಮ್/ಕಾಜಲ್ ಪಾತ್ರದಲ್ಲಿ ನಟಿಸಿದರು. ರನ್ಯಾ 2017 ರಲ್ಲಿ 'ಪಟಾಕಿ' ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಮರಳಿದರು, ಸಂಗೀತಾ ಪಾತ್ರದಲ್ಲಿ ಗಣೇಶ್ ಅವರೊಂದಿಗೆ ಪರದೆಯನ್ನು ಹಂಚಿಕೊಂಡರು. ತಮ್ಮ ಚಲನಚಿತ್ರ ಪ್ರವೇಶದ ಮೊದಲು, ರನ್ಯಾ ಮುಂಬೈನ ಕಿಶೋರ್ ನಮಿತ್ ಕಪೂರ್ ನಟನಾ ಸಂಸ್ಥೆಯಲ್ಲಿ ತರಬೇತಿ ಪಡೆದಿದ್ದರು.

ಕಳೆದ ವರ್ಷ ನವೆಂಬರ್ ನಲ್ಲಿ ರನ್ಯಾ ಜತಿನ್ ಹುಕ್ಕೇರಿ ಅವರನ್ನು ವಿವಾಹವಾಗಿದ್ದರು.