ಬೆಂಗಳೂರು: ತಂತ್ರಜ್ಞಾನ ಮುಂದುವರಿಯುತ್ತಿದ್ದಂತೆ ಸಮಾಜದಲ್ಲಿ ಸೈಬರ್ ಅಪರಾಧ ಪ್ರಕರಣಗಳು ಹೆಚ್ಚಾಗುತ್ತಿವೆ. ರಾಜ್ಯ ಸರ್ಕಾರ 16 ಸೈಬರ್ ತಂತ್ರಜ್ಞರನ್ನು ನೇಮಿಸುವ ಮೂಲಕ ಸೈಬರ್ ಅಪರಾಧದ ವಿರುದ್ಧದ ಹೋರಾಟವನ್ನು ತೀವ್ರಗೊಳಿಸಿದ್ದರೂ, ವಂಚಕರು ಹೊಸ ಹೊಸ ಮಾರ್ಗಗಳನ್ನು ಕಂಡುಕೊಳ್ಳುತ್ತಿದ್ದಾರೆ.

ಸೈಬರ್ ಅಪರಾಧಿಗಳು ಈಗ 'ಪಾಲಿಮಾರ್ಫಿಕ್ ಮಾಲ್‌ವೇರ್' ನ್ನು ಬಳಸುತ್ತಿದ್ದಾರೆ, ಇದು ಸೈಬರ್ ಅಪರಾಧಿಗಳು ಯಾರು ಎಂದು ಪತ್ತೆಹಚ್ಚುವಿಕೆಯಿಂದ ತಪ್ಪಿಸಿಕೊಳ್ಳಲು ನಿರಂತರವಾಗಿ ತನ್ನ ಕೋಡ್ ನ್ನು ಬದಲಾಯಿಸುವ ವೈರಸ್ ಆಗಿದೆ. ತನಿಖಾಧಿಕಾರಿಗಳಿಗೆ ಸೈಬರ್ ಅಪರಾಧ ಪ್ರಕರಣಗಳನ್ನು ಭೇದಿಸುವುದು ಇನ್ನಷ್ಟು ಕಷ್ಟಕರವಾಗಿಸಿದೆ, 2024 ರಲ್ಲಿ 20,092 ಪ್ರಕರಣಗಳಲ್ಲಿ ಕೇವಲ 1,248 ಪ್ರಕರಣಗಳು ಮಾತ್ರ ಪತ್ತೆಯಾಗಿದ್ದು, ಸೈಬರ್ ಅಪರಾಧಗಳಿಗೆ ಸುಮಾರು 2,900 ಕೋಟಿ ರೂಪಾಯಿಗಳನ್ನು ಕಳೆದುಕೊಂಡಿದ್ದಾರೆ.

ಸಾಂಪ್ರದಾಯಿಕ ಮಾಲ್‌ವೇರ್‌ಗಿಂತ ಭಿನ್ನವಾಗಿ, ಪೊಲೀಸ್ ಅಧಿಕಾರಿಗಳು 'ಡಿಜಿಟಲ್ ಮೂಲಕ ತಪ್ಪಿಸಿಕೊಳ್ಳುವ ಪಾಲಿಮಾರ್ಫಿಕ್ ಮಾಲ್‌ವೇರ್ ಹರಡುವಾಗ ಅದರ ರೂಪವನ್ನು ಬದಲಾಯಿಸುತ್ತಲೇ ಇರುತ್ತದೆ, ಆಂಟಿವೈರಸ್ ಪ್ರೋಗ್ರಾಂಗಳಿಗೆ ಪತ್ತೆಹಚ್ಚಲು ಕಷ್ಟವಾಗುತ್ತದೆ. ಪ್ರತಿ ಬಾರಿ ಹೊಸ ಸಾಧನಕ್ಕೆ ಸೋಂಕು ತಗುಲಿದಾಗ, ಅದು ಮೊದಲಿಗಿಂತ ಭಿನ್ನವಾಗಿ ಕಾಣುತ್ತದೆ.

ಸೈಬರ್ ಅಪರಾಧವನ್ನು ತಡೆಯಲು, ಸೈಬರ್ ಅಪರಾಧ ಪೊಲೀಸ್ ಠಾಣೆಯನ್ನು ಸ್ಥಾಪಿಸಿದ ಮೊದಲ ರಾಜ್ಯವಾದ ಕರ್ನಾಟಕ, ಈಗ ತನ್ನ ವಿಧಿವಿಜ್ಞಾನ ವಿಜ್ಞಾನ ಪ್ರಯೋಗಾಲಯವನ್ನು (FSL) ಇತ್ತೀಚಿನ ಪರಿಕರಗಳೊಂದಿಗೆ ಮೇಲ್ದರ್ಜೆಗೇರಿಸಲು ಯೋಜಿಸುತ್ತಿದೆ.

2019 ರಿಂದ, ರಾಜ್ಯವು 176 ನ್ಯಾಯಾಂಗ ಅಧಿಕಾರಿಗಳು ಮತ್ತು 984 ಪೊಲೀಸ್ ಸಿಬ್ಬಂದಿಗೆ ತರಬೇತಿ ನೀಡಿದೆ, 3,799 ಇತರ ಅಧಿಕಾರಿಗಳು ಆನ್‌ಲೈನ್ ತರಬೇತಿಯನ್ನು ಪಡೆದಿದ್ದಾರೆ. ಈ ಪ್ರಯತ್ನಗಳ ಹೊರತಾಗಿಯೂ, ಸೈಬರ್ ಅಪರಾಧವನ್ನು ಪತ್ತೆಹಚ್ಚುವಲ್ಲಿನ ದೊಡ್ಡ ಸವಾಲು 'ಹಳೆಯ ಸೈಬರ್ ಭದ್ರತೆ' ಸಾಧನಗಳಲ್ಲಿದೆ.

ಪ್ರಸ್ತುತ, ರಾಜ್ಯವು "ಸಹಿ ಆಧಾರಿತ ಸೈಬರ್ ಭದ್ರತಾ ವ್ಯವಸ್ಥೆಗಳನ್ನು" ಅವಲಂಬಿಸಿದೆ, ಇದು ತಿಳಿದಿರುವ ಅಪರಾಧಿಗಳನ್ನು ಮಾತ್ರ ಗುರುತಿಸಬಲ್ಲ ಪೊಲೀಸ್ ಡೇಟಾಬೇಸ್‌ನಂತೆ ಕಾರ್ಯನಿರ್ವಹಿಸುತ್ತದೆ. ಈ ವ್ಯವಸ್ಥೆಗಳು ವೈರಸ್ ಸಹಿಗಳ ಸಂಗ್ರಹಿತ ಪಟ್ಟಿಯೊಂದಿಗೆ ಫೈಲ್‌ಗಳನ್ನು ಹೋಲಿಸುವ ಮೂಲಕ ಬೆದರಿಕೆಗಳನ್ನು ಪತ್ತೆ ಮಾಡುತ್ತವೆ.

ಪಾಲಿಮಾರ್ಫಿಕ್ ಮಾಲ್‌ವೇರ್ ಸವಾಲು

ವಂಚಕರು ಈ ಮಾಲ್‌ವೇರ್ ನ್ನು ಸಾಮಾನ್ಯವಾಗಿ ಯಾವುದೇ ವೈರಸ್‌ನಂತೆ ಮರೆಮಾಚುತ್ತಾರೆ - ಕಾನೂನುಬದ್ಧ ಫೈಲ್ ಮೂಲಕ, ಫಿಶಿಂಗ್ ಇಮೇಲ್‌ಗಳು, ನಕಲಿ ಸಾಫ್ಟ್‌ವೇರ್ ಡೌನ್‌ಲೋಡ್‌ಗಳು ಅಥವಾ ದುರುದ್ದೇಶಪೂರಿತ ವೆಬ್‌ಸೈಟ್ ಲಿಂಕ್‌ಗಳ ಮೂಲಕ ಸಿಸ್ಟಮ್‌ಗೆ ಪ್ರವೇಶಿಸುತ್ತದೆ, ಬಳಕೆದಾರರನ್ನು ಅದರ ಮೇಲೆ ಕ್ಲಿಕ್ ಮಾಡುವಂತೆ ಮೋಸಗೊಳಿಸುತ್ತದೆ. ಮಾಲ್‌ವೇರ್ ನ್ನು ಕಾರ್ಯಗತಗೊಳಿಸಿದ ನಂತರ, ಅದು ತಕ್ಷಣವೇ ತನ್ನ ಕೋಡ್ ನ್ನು ಬದಲಾಯಿಸಲು ಪ್ರಾರಂಭಿಸುತ್ತದೆ, ಆಂಟಿವೈರಸ್ ಪ್ರೋಗ್ರಾಂಗಳು ಅದನ್ನು ಗುರುತಿಸಲು ವಿಫಲವಾಗುತ್ತವೆ ಎಂದು ಖಚಿತವಾದ ಮೇಲೆ ಸ್ಥಿರ ರಚನೆಯನ್ನು ಹೊಂದಿರುವ ಸಾಮಾನ್ಯ ವೈರಸ್‌ಗಳಿಗಿಂತ ಭಿನ್ನವಾಗಿ, ಪಾಲಿಮಾರ್ಫಿಕ್ ಮಾಲ್‌ವೇರ್ ಪ್ರತಿ ಬಾರಿ ಹರಡಿದಾಗಲೂ ತನ್ನನ್ನು ತಾನೇ ಎನ್‌ಕ್ರಿಪ್ಟ್ ಮಾಡುತ್ತದೆ.