ಬೀದರ್: ಬೀದರ್ನಲ್ಲಿ ಅಮಾನವೀಯ ಘಟನೆಯೊಂದು ನಡೆದಿದ್ದು ಬ್ರಿಮ್ಸ್ ಆಸ್ಪತ್ರೆಯ ಶವಾಗಾರದಲ್ಲಿ ಸಿಬ್ಬಂದಿಯೊಬ್ಬ ಮೃತ ಮಹಿಳೆಯರ ನಗ್ನ ಫೋಟೋಗಳನ್ನು ತೆಗೆದಿದ್ದು ಈ ಬಗ್ಗೆ ತೀವ್ರ ಆಕ್ರೋಶ ವ್ಯಕ್ತವಾಗುತ್ತಿದೆ. ಈ ಬಗ್ಗೆ ಪೊಲೀಸರಿಗೆ ದೂರು ನೀಡಲಾಗಿದೆ.
ಶವಾಗಾರ ಕೊಠಡಿಯ ಸಿಬ್ಬಂದಿ ಮುನೀರ್ ಅಹಮದ್ ಈ ಹೇಯ ಮತ್ತು ವಿಕೃತ ಕೃತ್ಯ ಎಸಗಿದ್ದಾನೆ. ಮರಣೋತ್ತರ ಪರೀಕ್ಷೆಯ ಸಮಯದಲ್ಲಿ ಮುನೀರ್ ತನ್ನ ಮೊಬೈಲ್ ಫೋನ್ನಲ್ಲಿ ಅನುಮತಿಯಿಲ್ಲದೆ ಮೃತ ಮಹಿಳೆಯರ ಶವಗಳ ಬಟ್ಟೆಗಳನ್ನು ತೆಗೆದು ಫೋಟೋಗಳನ್ನು ತೆಗೆದಿದ್ದಾನೆ ಎಂದು ಆರೋಪಿಸಲಾಗಿದೆ.
ಮುನೀರ್ ಕೃತ್ಯದಿಂದಾಗಿ, ಮೃತ ಮಹಿಳೆಯರ ಘನತೆ, ಅವರ ಕುಟುಂಬಗಳ ಗೌರವ ಮತ್ತು ವೈದ್ಯಕೀಯ ಗೌಪ್ಯತೆಯನ್ನು ಉಲ್ಲಂಘಿಸಲಾಗಿದೆ. ಸಿಬ್ಬಂದಿಯ ಹೇಯ ಕೃತ್ಯ ಬೆಳಕಿಗೆ ಬಂದ ತಕ್ಷಣ, ಶವಾಗಾರ ಆಸ್ಪತ್ರೆಯ ಮುಖ್ಯಸ್ಥ ಡಾ. ಮೋಸಿನ್ ಉಲ್ ಹಕ್ ಬಿಎನ್ಎಸ್ ಕಾಯ್ದೆಯ ಸೆಕ್ಷನ್ 301 ಮತ್ತು 62 ರ ಅಡಿಯಲ್ಲಿ ನ್ಯೂ ಟೌನ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.
ಬ್ರಿಮ್ಸ್ನಲ್ಲಿ ರೋಗಿಗಳು ಈಗಾಗಲೇ ಜೀವಂತವಾಗಿರುವಾಗಲೇ ಚಿಕಿತ್ಸೆ ಪಡೆಯಲು ಹೆಣಗಾಡುತ್ತಿದ್ದಾರೆ. ಈಗ ಸಾವಿನ ನಂತರವೂ ದೇಹಗಳಿಗೆ ಶಾಂತಿ ಸಿಗುತ್ತಿಲ್ಲ. ಮಹಿಳಾ ನಿರ್ದೇಶಕಿ ಇರುವ ಬ್ರಿಮ್ಸ್ ಆಸ್ಪತ್ರೆಯಲ್ಲಿ ಇಂತಹ ಹೇಯ ಕೃತ್ಯ ಬೆಳಕಿಗೆ ಬಂದಿರುವುದು ಆಕ್ರೋಶಕ್ಕೆ ಕಾರಣವಾಗಿದೆ.