ಇಸ್ಲಾಮಾಬಾದ್: ವಾಘಾ ಗಡಿಯಲ್ಲಿ ಸ್ಫೋಟ ನಡೆಸಿದ ಉಗ್ರ ಸಂಘಟನೆಯ ಮುಂದಿನ ಟಾರ್ಗೆಟ್ ಭಾರತದ ಪ್ರಧಾನಿ ನರೇಂದ್ರ ಮೋದಿಯಂತೆ!

ಹೀಗೆಂದು ಸ್ವತಃ ಪಾಕಿಸ್ತಾನದ ತಾಲಿಬಾನ್ ತಿಳಿಸಿದೆ. ವಾಘಾ ಸ್ಫೋಟಕ್ಕೆ ಕಾರಣರಾದ ಇಬ್ಬರು ಉಗ್ರರ ಫೋಟೋಗಳನ್ನು ಟ್ವೀಟ್ ಮಾಡಿರುವ ತಾಲಿಬಾನ್ ಈ ವಿಚಾರವನ್ನು ಬಹಿರಂಗಪಡಿಸಿದೆ.

ನ.2ರಂದು ವಾಘಾ ಗಡಿಯಲ್ಲಿ ನಡೆದ ಸ್ಫೋಟದಿಂದ 60 ಮಂದಿ ಸಾವಿಗೀಡಾಗಿದ್ದರು. ಈ ಸ್ಫೋಟದ ಹೊಣೆ ಹೊತ್ತಿರುವ ತೆಹ್ರೀಕ್-ಇ-ತಾಲಿಬಾನ್-ಪಾಕಿಸ್ತಾನ ಜಮಾತ್-ಉಲ್- ಅಹ್ರಾರ್ ಎಂಬ ಉಗ್ರ ಸಂಘಟನೆಯು ಈಗ ಭಾರತದ ಪ್ರಧಾನಿ ನರೇಂದ್ರ ಮೋದಿ ಅವರೇ ನಮ್ಮ ಮುಂದಿನ ಗುರಿ ಎಂದು ಅಧಿಕೃತವಾಗಿ ಘೋಷಿಸಿದೆ.

ವಾಘಾ ಸ್ಫೋಟ ಸಂಬಂಧ ಸರಣಿ ಟ್ವೀಟ್ ಮಾಡರಿವ ಅಲ್-ಅಹ್ರಾರ್ ವಕ್ತಾರ ಎಹ್ಸಾನ್ ಒಂದು ಟ್ವೀಟ್‌ನಲ್ಲಿ ಮೋದಿ ಬಗ್ಗೆ ಪ್ರಸ್ತಾಪಿಸಿದ್ದಾನೆ. ಈ ಟ್ವೀಟ್‌ಗಳನ್ನು ಮಾಡಿದ ಸ್ವಲ್ಪ ಹೊತ್ತಲ್ಲೇ ಆತನ ಟ್ವಿಟರ್ ಖಾತೆ ಮಾಯವಾಗಿದೆ. ಆದರೆ ಬಳಿಕ ಆತ ಹೊಸ ಖಾತೆಯೊಂದಿಗೆ ಮತ್ತೆ ಟ್ವಿಟರ್ ಪ್ರವೇಶಿದ್ದಾನೆ.