ನವದೆಹಲಿ: ಕಾಶ್ಮೀರದ ಸಾಂಬಾದಲ್ಲಿ ನಡೆಸಿದ ದಾಳಿ ಮಾದರಿಯಲ್ಲೇ ರಾಷ್ಟ್ರ ರಾಜಧಾನಿ ದೆಹಲಿಯಲ್ಲೂ ಫಿದಾಯೀನ್ (ಆತ್ಮಾಹುತಿ) ದಾಳಿಗೆ ಜೈಶ್-ಎ- ಮೊಹ
ಮ್ಮದ್ ಉಗ್ರರು ಸಂಚು ರೂಪಿಸಿದ್ದಾರೆ. ಸಾಂಬಾದಲ್ಲಿ ಠಾಣೆ ಹಾಗೂ ಸೈನಿಕ ಶಿಬಿರದ ಮೇಲೆ ನಡೆಸಿದ ದಾಳಿ ವೇಳೆ ಮೃತಪಟ್ಟ ಉಗ್ರನೊಬ್ಬನಿಂದ ವಶಕ್ಕೆ ತೆಗೆದುಕೊಂಡ
ದಾಖಲೆಯಿಂದ ಈ ವಿಚಾರ ಬಹಿರಂಗ ವಾಗಿದೆ. ಅದರಂತೆ ಕೇಂದ್ರೀಯ ಭದ್ರತಾ ಸಂಸ್ಥೆಗಳು ರಾಜಧಾನಿಯಲ್ಲಿ ಕಟ್ಟೆಚ್ಚರ ವಹಿಸುವಂತೆ ದೆಹಲಿ ಪೋಲೀಸರಿಗೆ ಸಲಹೆ
ನೀಡಿವೆ. ಮಾ.19, 20ರಂದು 4 ಉಗ್ರರು ಸಾಂಬಾದಲ್ಲಿ ಎರಡು ಕಡೆ ಆತ್ಮಾಹುತಿ ದಾಳಿ ನಡೆಸಿದ್ದರು. ಘಟನೆಯಲ್ಲಿ ಐವರು ಪೊಲೀಸ್ ಅಧಿಕಾರಿಗಳು ಮೃತಪಟ್ಟಿದ್ದರು. ಈ ವೇಳೆ ಮೃತ ಉಗ್ರನೊಬ್ಬನಿಂದ `ನಾವು ಮುಂದೆ ದೆಹಲಿಯಲ್ಲಿ ಭೇಟಿಯಾಗೋಣ' ಎನ್ನುವ ಚೀಟಿ ಸಿಕ್ಕಿತ್ತು. ಅದನ್ನು ಆಧರಿಸಿ ದೆಹಲಿ ಪೊಲೀಸರಿಗೆ ಎಚ್ಚರಿಕೆ ನೀಡಲಾಗಿದೆ. ಗುಪ್ತಚರ ಸಂಸ್ಥೆಯ ಎಚ್ಚರಿಕೆ ಹಿನ್ನೆಲೆಯಲ್ಲಿ ದೆಹಲಿಯಲ್ಲಿ ಭದ್ರತೆ ಬಿಗಿಗೊಳಿಸಲಾಗಿದೆ.