ಸಿವಾನ್‌: ಸಹೋದರರ ಹತ್ಯೆ ಪ್ರಕರಣದಲ್ಲಿ ಭಾಗಿಯಾದ ಆರೋಪ ಎದುರಿಸುತ್ತಿದ್ದ ರಾಷ್ಟ್ರೀಯ ಜನತಾದಳದ ಮಾಜಿ ಸಂಸದ ಮೊಹಮ್ಮದ್‌ ಶಾಹಬುದ್ದಿನ್‌ ಮತ್ತು ಅವರ ಮೂವರು ಸಹಚರರಿಗೆ ಸ್ಥಳೀಯ ನ್ಯಾಯಾಲಯ ಜೀವಾವಧಿ ಶಿಕ್ಷೆ ವಿಧಿಸಿದೆ.
ಹೆಚ್ಚುವರಿ ಜಿಲ್ಲಾ ನ್ಯಾಯಾಧೀಶರಾದ ಅಜಯ್‌ ಕುಮಾರ್‌ ಶ್ರೀವಾಸ್ತವ ಅವರು ಶುಕ್ರವಾರ ತೀರ್ಪು ಪ್ರಕಟಿಸಿದರು. ಇತರ ಮೂವರು ಅಪರಾಧಿಗಳಾದ ರಾಜಕುಮಾರ್‌ ಶಾಹ, ಶೇಕ್‌ ಅಸ್ಲಾಂ, ಆರೀಪ್‌ ಹುಸೇನ್‌ ಅವರಿಗೂ ಜೀವಾವಧಿ ಶಿಕ್ಷೆ ನೀಡಲಾಗಿದೆ.
2004 ರಲ್ಲಿ ಮಾಜಿ ಸಂಸದ ಶಹಾಬುದ್ದಿನ್‌ ತನ್ನ ಸಹಚರರ ಜತೆ ಸೇರಿ ಸಹೋದರರಾದ ಗಿರೀಶ್‌ ಮತ್ತು ಸತೀಶ್‌ ಎಂಬುವರ ಮೇಲೆ ಆ್ಯಸಿಡ್‌ ಸುರಿದು ಬರ್ಬರವಾಗಿ ಹತ್ಯೆ ಮಾಡಿದ್ದರು. ಆರೋಪ ಸಾಬೀತಾದ ಹಿನ್ನೆಲೆಯಲ್ಲಿ ಎಲ್ಲ ಆರೋಪಿಗಳಿಗೆ ಜೀವಾಧಿ ಶಿಕ್ಷೆ ವಿಧಿಸಲಾಗಿದೆ.
ಈ ಪ್ರಕರಣದಲ್ಲಿ ಮೃತರ ಶವಗಳು ಕೂಡ ದೊರೆತಿರಲಿಲ್ಲ., ಮೃತ ಸಹೋದರರ ತಾಯಿ ಕಲಾವತಿ ದೇವಿ ಈ ಸಂಬಂಧ ದೂರು ದಾಖಲಿಸಿದ್ದರು.