ಮೋಸ್ಕೋ: ಎರಡು ದಿನಗಳ ಭೇಟಿಗಾಗಿ ರಷ್ಯಾ ತಲುಪಿದ ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ರಷ್ಯಾ ಅಧ್ಯಕ್ಷ ವ್ಲಾಡ್ಮಿರ್ ಪುಟಿನ್, ಗಾಂಧೀಜಿಯವರ ಡೈರಿಯ ಒಂದು ಹಾಳೆ ಮತ್ತು ಬಂಗಾಳದ ಖಡ್ಗವನ್ನು ಉಡುಗೊರೆಯಾಗಿ ನೀಡಿದ್ದಾರೆ.

ಪುಟಿನ್ ನೀಡಿರುವ ಉಡುಗೊರೆಯ ಬಗ್ಗೆ ಮೋದಿಯವರು ಟ್ವೀಟ್ ಮಾಡಿ ಫೋಟೋ ಹಂಚಿಕೊಂಡಿದ್ದಾರೆ. 

ಗಾಂಧೀಜಿಯವರು ಕೈ ಬರಹದಲ್ಲಿ ಬರೆದ ಡೈರಿಯೊಂದರ ಹಾಳೆ ಮತ್ತು 18 ನೇ ಶತಮಾನದಲ್ಲಿ ಬಂಗಾಳದಲ್ಲಿದ್ದ ಖಡ್ಗವನ್ನು ಪುಟಿನ್ ಉಡುಗೊರೆಯಾಗಿ ನೀಡಿದ್ದಾರೆ. ಬೆಳ್ಳಿಯಿಂದ ನಿರ್ಮಿಸಿದ ಈ ಖಡ್ಗದ ಹಿಡಿಯಲ್ಲಿ ಅಪೂರ್ವ ಕೆತ್ತನೆ ಕೆಲಸವಿದೆ. ಉಡುಗೊರೆ ಸ್ವೀಕರಿಸಿದ ಮೋದಿ, ಪುಟಿನ್‌ಗೆ ಧನ್ಯವಾದ ಅರ್ಪಿಸಿದ್ದಾರೆ.