ಸಿಂಗಪುರ: ಸಿಂಗಪುರ ಮಹಿಳೆಯೊಬ್ಬಳಿಗೆ ಲೈಂಗಿಕ ಕಿರುಕುಳ ನೀಡಿದ ಅಪರಾಧಕ್ಕಾಗಿ, ಭಾರತೀಯ ವ್ಯಕ್ತಿಯೊಬ್ಬನಿಗೆ ಸಿಂಗಪುರ ಕೋರ್ಟ್ 10 ತಿಂಗಳು ಜೈಲು ಶಿಕ್ಷೆ ವಿಧಿಸಿದೆ.

ಪಾರ್ಥಿಬನ್ ಪಾಂಡು(24) ಶಿಕ್ಷೆಗೊಳಗಾದ ಭಾರತೀಯ. ಸಿಂಗಪುರದಲ್ಲಿ ಕೂಲಿ ಕಾರ್ಮಿಕನಾಗಿ ಕೆಲಸ ಮಾಡುತ್ತಿದ್ದ. ಜ. 1 ಹೊಸ ವರ್ಷದ ದಿನದಂದು ವಿದೇಶಿ ಕಾರ್ಮಿಕರ ಕ್ಷೇತ್ರವಾದ ಬೂನ್ ಲೇ ಪ್ರದೇಶದಲ್ಲಿ ಈ ಪ್ರಕರಣ ನಡೆದಿತ್ತು. ಹೊಸ ವರ್ಷದ ಸಡಗರದಲ್ಲಿದ್ದ ಪಾರ್ಥಿಬನ್ ಪಾಂಡು ಆ ರಾತ್ರಿ ಮದ್ಯಾಪಾನ ಮಾಡಿದ್ದ, ಈ ವೇಳೆ ಸ್ಥಳದಲ್ಲಿ 44 ವರ್ಷದ ಮಹಿಳೆಯ ಜೊತೆ ಅಸಭ್ಯವಾಗಿ ವರ್ತಿಸಿದ್ದಲ್ಲದೆ, ಲೈಂಗಿಕ ಕಿರುಕುಳ ಕೂಡ ನೀಡಿದ್ದ ಎಂದು ಮಾಧ್ಯಮವೊಂದು ವರದಿಮಾಡಿತ್ತು.  

ಈ ಹಿನ್ನೆಲೆಯಲ್ಲಿ ಅಪರಾಧಿ ಪಾಂಡುನನ್ನು ವಶಕ್ಕೆ ಪಡೆದಿದ್ದ ಸಿಂಗಪುರ ಪೊಲೀಸರು ಆತನನ್ನು ಬಂಧನಕ್ಕೊಳಪಡಿಸಿದ್ದರು. ಪ್ರಕರಣದ ವಿಚಾರಣೆಯನ್ನು ಕೈಗೆತ್ತಿಕೊಂಡ ಸಿಂಗಪುರ ನ್ಯಾಯಾಲಯವು ಅಪರಾಧಿಯ ತಪ್ಪೊಪ್ಪಿಗೆಯ ಆಧಾರದ ಮೇಲೆ 10 ವರ್ಷ ಜೈಲು ಶಿಕ್ಷೆಯನ್ನು ವಿಧಿಸಿದೆ.