ಇಸ್ಲಾಮಾಬಾದ್: ಪಾಕಿಸ್ತಾನದ ಉಗ್ರ ನಿಗ್ರಹ ನ್ಯಾಯಾಲಯ ಭಾನುವಾರ ಮತ್ತೆ ಎಂಟು ಉಗ್ರರಿಗೆ ಗಲ್ಲುಶಿಕ್ಷೆ ವಿಧಿಸಲು ಹಸಿರು ನಿಶಾನೆ ತೋರಿದೆ.

ಸದ್ಯದಲ್ಲೇ ಈ ಎಂಟೂ ಉಗ್ರರು ನೇಣುಗಂಬಕ್ಕೇರಲಿದ್ದಾರೆ. ನೇಣು ಶಿಕ್ಷೆಗೆ ಗುರಿಯಾಗಲಿರುವ ಈ ಎಂಟು ಮಂದಿಯಲ್ಲಿ ನಾಲ್ವರು ಲಷ್ಕರ್-ಎ-ಜಂಗ್ವಿ ಉಗ್ರ ಸಂಘಟನೆಗೆ ಸೇರಿದವರು.

ಪೇಶಾವರ ಸೈನಿಕ ಶಾಲೆ ಸ್ಫೋಟದ ಬಳಿಕ ಪಾಕ್ ಸರ್ಕಾರ ಭಯೋತ್ಪಾದನಾ ಪ್ರಕರಣಗಳಲ್ಲಿ ಮರಣದಂಡನೆ ಶಿಕ್ಷೆ ಜಾರಿಗೆ ಹೇರಿದ್ದ ಸ್ವಯಂಘೋಷಿತ ನಿಷೇಧವನ್ನು ರದ್ದು ಮಾಡಿತ್ತು.