ಗಾಂಧಿನಗರ: ಭಾರತದ ಅಭಿವೃದ್ಧಿಯಲ್ಲಿ ಅನಿವಾಸಿ ಭಾರತೀಯರ ಕೊಡುಗೆ ಇರಲಿ ಎಂದು ಪ್ರಧಾನಿ ನರೇಂದ್ರ ಮೋದಿ ಗುರುವಾರ ಕರೆ ನೀಡಿದ್ದಾರೆ.

ಗುಜರಾತ್‌ನ ಗಾಂಧಿನಗರದಲ್ಲಿ ಆಯೋಜಿಸಲಾಗಿರುವ 13ನೇ ಪ್ರವಾಸಿ ಭಾರತೀಯ ದಿವಸ್ ಕಾರ್ಯಕ್ರಮದಲ್ಲಿ ಸಾಲ್ಟ್ ಮೌಂಟೇನ್ ಉದ್ಘಾಟಿಸಿ ಮಾತನಾಡಿದ ಅವರು, ಎಲ್ಲೇ ಇದ್ರೂ ಈ ದೇಶದ ಮಣ್ಣಿನ ಋಣ ತೀರಿಸಿ. ಭಾರತದ ಅಭಿವೃದ್ಧಿಯಲ್ಲಿ ನೀವು ಪಾಲ್ಗೊಳ್ಳಿ ಎಂದು ಅನಿವಾಸಿ ಭಾರತೀಯರಿಗೆ ಕರೆ ನೀಡಿದ್ದಾರೆ.

ಮಹಾತ್ಮ ಗಾಂಧಿ ಅವರು ಸ್ವರಾಜ್ಯ ಸ್ವಾವಲಂಬನೆ ಸಂದೇಶ ನೀಡಿದ್ರು. ವಿಶ್ವದ ಹಲವು ದೇಶಗಳಲ್ಲಿ ಗಾಂಧಿ ಪ್ರತಿಮೆ ಸ್ಫಾಪಿತವಾಗಿದೆ. ಇಂದು ಇಡೀ ವಿಶ್ವ ಭಾರತವನ್ನು ನೋಡುತ್ತಿದೆ. ಅವರ ಸಂದೇಶವನ್ನು ನಾವೆಲ್ಲರು ಪಾಲಿಸಬೇಕು ಎಂದಿದ್ದಾರೆ.

ಪ್ರಪಂಚದಲ್ಲಿ ಭಾರತೀಯರಿಗೆ ಹೆಚ್ಚಿನ ಮನ್ನಣೆ ಇದೆ. ಇಂದು ದೇಶದ ಸಾಮರ್ಥ್ಯ ಹೆಚ್ಚಿದೆ. ನಮ್ಮ ಬಳಿ ಜ್ಞಾನ ಮತ್ತು ಅನುಭವ ಎರಡು ಇದೆ. ಎಷ್ಟೇ ಜನ ಬಂದರೂ ಇಲ್ಲಿ ಸಾಕಷ್ಟು ಕೆಲಸವಿದೆ ಎಂದು ಅವರು ಹೇಳಿದ್ದಾರೆ.

ಇಡೀ ವಿಶ್ವವನ್ನೇ ಪರಿವಾರ ಎಂದು ಪರಿಗಣಿಸಿದವರು ನಾವು. ಗಂಗಾ ನದಿ ತಟದಲ್ಲಿ ಶುದ್ಧೀಕರಣ ಆಗಬೇಕಿದೆ. ಅನಿವಾಸಿ ಭಾರತೀಯರು ಗಂಗಾ ಶುದ್ಧೀಕರಣದಲ್ಲಿ ಪಾಲ್ಗೊಳ್ಳಿ ಎಂದ ಅವರು 100 ವರ್ಷಗಳ ಹಿಂದೆ ಗಾಂಧಿ ಸ್ವದೇಶಕ್ಕೆ ಆಗಮಿಸಿ ಸ್ವಾತಂತ್ರ್ಯ ತಂದುಕೊಟ್ಟರು. ಈ ನೆನಪಲ್ಲೇ ನೀವು ಸಹ ದೇಶ ಸೇವೆ ಮಾಡಿ ಎಂದು ಮೋದಿ ತಿಳಿಸಿದ್ದಾರೆ.