ಪಾಟ್ನಾ: ಆರಾ ಕೋರ್ಟ್ ಆವರಣದಲ್ಲಿ ಸಂಭವಿಸಿದ ಬಾಂಬ್ ಸ್ಫೋಟ ಪ್ರಕರಣ ಸಂಬಂಧ ಬಿಹಾರ ಆಡಳಿತರೂಢ ಪಕ್ಷ ಜೆಡಿಯುನ ಶಾಸಕ ಸುನಿಲ್ ಪಾಂಡೆ ಅವರನ್ನು ಶನಿವಾರ ಪೊಲೀಸರು ಬಂಧಿಸಿದ್ದಾರೆ.

ಪ್ರಕರಣಕ್ಕೆ ಸಂಬಂಧಿಸಿದಂತೆ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಯನ್ನು ಭೇಟಿ ಮಾಡಲು ತೆರಳಿದ್ದ ಭೋಜಪುರ್ ಜಿಲ್ಲೆಯ ತರರಿ ಶಾಸಕ ಪಾಂಡೆಯನ್ನು ಇಂದು ಪೊಲೀಸರು ವಶಕೆ ಪಡೆದು ವಿಚಾರಣೆ ನಡೆಸುತ್ತಿದ್ದಾರೆ.

ಜೆಡಿಯು ಶಾಸಕರ ಬಂಧನವನ್ನು ಖಚಿತಪಡಿಸಿರುವ ಎಸ್‌ಪಿ ನವೀನ್‌ಚಂದ್ ಜಾಹ್ ಅವರು, ಸುನಿಲ್ ಪಾಂಡೆ ಅವರನ್ನು ವಿಚಾರಣೆಗಾಗಿ ನಗರ ಪೊಲೀಸ್ ಠಾಣೆಗೆ ಒಪ್ಪಿಸಲಾಗಿದೆ ಎಂದು ತಿಳಿಸಿದ್ದಾರೆ.

ಕಳೆದ ಜನವರಿ 23ರಂದು ಪೊಲೀಸರಿಂದ ಬಂಧಿತ ಆರೋಪಿಯನ್ನು ಎಸ್ಕೇಪ್ ಮಾಡುವ ಉದ್ದೇಶದಿಂದ ಕೋರ್ಟ್ ಆವರಣದಲ್ಲೇ ಬಾಂಬ್ ಸ್ಫೋಟಿಸಲಾಗಿತ್ತು.