ನವದೆಹಲಿ: ಬಾಂಗ್ಲಾದೇಶದ ಯಶಸ್ವಿ ಪ್ರವಾಸದ ಕೊನೆಗೆ ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರ ಹೇಳಿಕೆಯೊಂದು ವಿವಾದ ಮೂಡಿಸಿದೆ.
ಬಾಂಗ್ಲಾದೇಶ ಪ್ರಧಾನಿ ಶೇಖ್ ಹಸೀನಾ ಅವರು ಭಯೋತ್ಪಾದನೆ ನಿಗ್ರಹ ಕುರಿತು ಕೈಗೊಂಡಿ ರುವ ಕ್ರಮಗಳ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸುತ್ತಾ, `ಮಹಿಳೆಯಾ ಗಿದ್ದರೂ ಹಸೀನಾ ಅವರ ಕ್ರಮಗಳು ಶ್ಲಾಘನೀಯ' ಎಂದು ಎಂದಿದ್ದರು. ಆದರೆ, `ಮಹಿಳೆಯಾಗಿದ್ದರೂ...' ಎಂಬ ಪದಬಳಕೆ ಕುರಿತು ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಟೀಕೆಗಳು ವ್ಯಕ್ತವಾಗಿವೆ. ಮಹಿಳೆಯಾದ ಮಾತ್ರಕ್ಕೆ ಭಯೋತ್ಪಾದನೆ ವಿರುದ್ಧ ಹೋರಾಡಲು ಸಾಧ್ಯವಿಲ್ಲವೆ ಎಂಬ ಪ್ರಶ್ನೆಗಳು ಕೇಳಿಬಂದಿವೆ. `ಮಹಿಳೆಯಾಗಿದ್ದರೂ ಕಿರಣ್ ಬೇಡಿ ದೆಹಲಿಯಲ್ಲಿ ಬಿಜೆಪಿಯನ್ನು ಮುಳುಗಿಸಿದರು' ಎಂದು ಒಬ್ಬರು ಟ್ವೀಟ್ ಮಾಡಿದ್ದರೆ, `ಮಹಿಳೆಯಾಗಿದ್ದರೂ ಬೆಳಗ್ಗೆದ್ದೆ ಮತ್ತು ತಿಂಡಿ ತಿಂದೆ' ಅಂತ ಒಬ್ಬ ಗೃಹಿಣಿ, `ಮಹಿಳೆಯಾಗಿ ದ್ದರೂ ನಿನ್ನ ಮುಖ ಛಿದ್ರವಾಗುವಂತೆ ಏಟು ನೀಡಬಲ್ಲೆ' ಅಂತ ಇನ್ನೊಬ್ಬ ಹೆಣ್ಣುಮಗಳು, `ಮಹಿಳೆಯರು ಭಯೋತ್ಪಾದನೆಯನ್ನು ಸಹಿಸಿಕೊಳ್ಳುತ್ತಾರೆ ಎಂಬುದು ನಿಮ್ಮ ಮಾತಿನ ಅರ್ಥವೆ?' ಎಂದು ಯುವತಿಯೊಬ್ಬರು ಖಾರವಾಗಿ ಪ್ರಶ್ನಿಸಿದ್ದಾರೆ. ಅಂತಾರಾಷ್ಟ್ರೀಯ ಮಾಧ್ಯಮಗಳೂ ಮೋದಿ ಹೇಳಿಕೆ ಕುರಿತು ವರದಿಗಳನ್ನು ಪ್ರಕಟಿಸಿದ್ದು,`ಭಾರತೀಯ ಪ್ರಧಾನಿ ಇದೀಗ ಜಗತ್ತಿನ ಅತಿ ಕಳಪೆ ಮೆಚ್ಚುಗೆಮಾತು ಹೇಳಿದ್ದಾರೆ' ಎಂಬ ಶೀರ್ಷಿಕೆಯಡಿ ವಾಷಿಂಗ್ಟನ್ ಪೋಸ್ಟ್ ಪತ್ರಿಕೆ
ವರದಿ ಮಾಡಿದೆ.