ಕಾನ್ಪುರ್: ತನ್ನ ಮೇಲೆ ದೌರ್ಜನ್ಯ ನಡೆಸಲು ಬಂದಿದ್ದನ್ನು  ಪ್ರತಿರೋಧಿಸಿದ್ದಕ್ಕೆ ರಾಷ್ಟ್ರೀಯ ಕಬಡ್ಡಿ ಆಟಗಾರ್ತಿ ಮೇಲೆ ಹಲ್ಲೆ ನಡೆಸಿ ಥಳಿಸಿರುವ ಆಘಾತಕಾರಿ ಘಟನೆ ಉತ್ತರ ಪ್ರದೇಶದ ಕಾನ್ಪುರದಲ್ಲಿ ನಡೆದಿದೆ.

ಡೋಲಿ ಸಿಂಗ್ ಹಲ್ಲೆಗೊಳಗಾದ ಕಬಡ್ಡಿ ಆಟಗಾರ್ತಿ. ಸುಮಾರು 10 ರಿಂದ 12 ಮಂದಿಯಿದ್ದ ಗುಂಪೊಂದು ಕೈಯ್ಯಲ್ಲಿ ಬಂದೂಕು ಮತ್ತು ದೊಣ್ಣೆ ಹಿಡಿದು ಮನೆಗೆ ನುಗ್ಗಿ  ಡೋಲಿ ಸಿಂಗ್ ಮೇಲೆ ಹಲ್ಲೆ ನಡೆಸಿದೆ. ಹೀಗಾಗಿ ಡೋಲಿ ಸಿಂಗ್ ಮುಖದ ಮೇಲೆ ಹಲವು ಗಾಯಗಳಾಗಿವೆ.

ಇನ್ನು ಈ ಸಂಬಂಧ ದೂರು ನೀಡಲು ಹೋದರೆ ಪೊಲೀಸರು ಸರಿಯಾಗಿ ಸ್ಪಂದಿಸಿಲ್ಲ, ಆದಷ್ಟು ಶೀಘ್ರವೇ ನಾವು ದೂರು ದಾಖಲಿಸಿಕೊಳ್ಳುತ್ತೇವೆ. ನೀವೀಗ ಹೊರಡಿ ಎಂದು ಪೊಲೀಸರು ಹೇಳಿದರು ಎಂದು ಡೋಲಿ ಸಿಂಗ್ ತಂದೆ ಆರೋಪಿಸಿದ್ದಾರೆ.
ಬಳಿಕ ನಾವು ಪೊಲೀಸ್ ಮಹಾ ನಿರ್ದೇಶಕರ ಬಳಿ ಹೋಗಿ ಘಟನೆಯನ್ನು ವಿವರಿಸಿದೆವು. ಅವರು ಸಮಾಧಾನ ಮಾಡಿ ವಾಪಸ್ ಕಳಿಸಿದರೇ ಹೊರತು ದೂರುಸ ದಾಖಲಿಸಿಕೊಳ್ಳಲಿಲ್ಲ ಎಂದು ಡೋಲಿ ಸಿಂಗ್ ತಂದೆ ದೂರಿದ್ದಾರೆ.

ಪ್ರಕರಣ ಸಂಬಂಧ ಎಫ್ ಐ ಆರ್ ದಾಖಲಾಗಿದ್ದು, ಪೊಲೀಸರು ಶೀಘ್ರವೇ ಆರೋಪಿಗಳನ್ನು ಬಂಧಿಸಲಿದ್ದಾರೆ ಎಂದು ಸಮಾಜವಾದಿ ಪಕ್ಷದ ಮುಖಂಡ ಗೌರವ್ ಭಾಟಿಯಾ ಮಾಧ್ಯಮಗಳಿಗೆ ತಿಳಿಸಿದ್ದಾರೆ.