ಕೌಲಾಲಂಪುರ: ಸರಿಯಾಗಿ ಒಂದು ವರ್ಷದ ಹಿಂದೆ ಮಲೇಷ್ಯಾದ ಕೌಲಾಲಂಪುರದಿಂದ ಬೀಜಿಂಗ್ ತೆರಳುತ್ತಿದ್ದ ವಿಮಾನ ಎಂಎಚ್370 ದಕ್ಷಿಣ ಹಿಂದೂ ಮಹಾಸಾಗರದಲ್ಲಿ ನಾಪತ್ತೆಯಾಗಿತ್ತು.
ಈವರೆಗೆ ಅದರ ಪತ್ತೆಗಾಗಿ ಆಸ್ಟ್ರೇಲಿಯಾ, ಅಮೆರಿಕ ಸೇರಿ ಹಲವು ರಾಷ್ಟ್ರಗಳು ಶೋಧ ಕಾರ್ಯನಡೆಸಿದರೂ ಪ್ರಯೋಜನವಾಗಲಿಲ್ಲ. ಅದರಲ್ಲಿದ್ದ 239 ಮಂದಿಯ ಬಗ್ಗೆ ಸುಳಿವೂ ಲಭ್ಯವಾಗಿಲ್ಲ. ಹೀಗಾಗಿ, ಇದು ಜಗತ್ತಿನ ಅತ್ಯಂತ ನಿಗೂಢವಾಗಿ ನಾಪತ್ತೆಯಾದ ವಿಮಾನ ಪ್ರಕರಣ ಎಂಬ ಅಪಖ್ಯಾತಿಗೆ ಪಾತ್ರವಾಗಿದೆ.
ವಿಮಾನದಲ್ಲಿದ್ದ ಪ್ರಯಾಣಿಕರು, ಸಿಬ್ಬಂದಿ ವರ್ಗದವರ ಕುಟುಂಬ ಸದಸ್ಯರು, ಮಡಿದವರಿಗೆ ಭಾನುವಾರ ಶ್ರದ್ಧಾಂಜಲಿ ಸಲ್ಲಿಸಿದರು.