ಟೈಲರ್ ಸ್ವಿಫ್ಟ್ ಕಾಲಿನ ಬೆಲೆ 250 ಕೋಟಿ! ಹೌದು ನೀವಿದನ್ನು ನಂಬಲೇ ಬೇಕು. ಗ್ರಾಮಿ ಪ್ರಶಸ್ತಿ ವಿಜೇತಳಾಗಿರುವ ಪಾಪ್ ಗಾಯಕಿ ಟೈಲರ್ ಸ್ವಿಫ್ಟ್ ತನ್ನ  ಕಾಲುಗಳನ್ನು 40 ಮಿಲಿಯನ್ ಡಾಲರ್ (ಸರಿಸುಮಾರು ರು. 250 ಕೋಟಿ)ಗೆ ಇನ್ಶೂರೆನ್ಸ್ ಮಾಡಿಸಿದ್ದಾಳೆ ಎಂದು ಬಲ್ಲಮೂಲಗಳು ಸುದ್ದಿ ಮಾಡಿವೆ.

1989 ಎಂಬ ವಿಶ್ವ ಸಂಗೀತ ಪರ್ಯಟನೆಗೆ ಮುನ್ನುಡಿಯಾಗಿ ಈಕೆ ಕಾಲುಗಳಿಗೆ ವಿಮೆ ಮಾಡಿಸಿದ್ದಾಳೆ. ಸ್ಟೇಜ್ ಶೋಗಳನ್ನು ನೀಡುತ್ತಿರುವ ವೇಳೆ  ಏನಾದರೂ ಅವಘಡ ಸಂಭವಿಸಿ ತನ್ನ ಕಾಲುಗಳಿಗೆ ತೊಂದರೆಯಾದರೆ ತನ್ನ ಸಂಗೀತ ಜೀವನವೇ ಮುಗಿದುಹೋಗುತ್ತದೆ. ಈ ಕಾರಣದಿಂದಾಗಿಯೇ ತನ್ನ ಕಾಲುಗಳಿಗೆ ಇನ್ಶೂರೆನ್ಸ್ ಮಾಡಿಸಿರುವುದಾಗಿ ಸ್ವಿಫ್ಟ್ ಹೇಳಿಕೆ ನೀಡಿರುವುದಾಗಿ ವಿದೇಶಿ ಮಾಧ್ಯಮಗಳು ವರದಿ ಮಾಡಿವೆ.

ಸ್ವಿಫ್ಟ್ ಮಾತ್ರವಲ್ಲದೇಹದ ಅಂಗಾಂಗಕ್ಕೆ ವಿಮೆ ಮಾಡಿಸಿದವರು ಇನ್ನೂ ಇದ್ದಾರೆ

ಜೂಲಿಯಾ ರೋಬರ್ಟ್ಸ್ : ತನ್ನ ಸುಂದರವಾದ ಮುಗುಳ್ನಗೆಯನ್ನು 30 ಮಿಲಿಯನ್ ಡಾಲರ್ (ರು. 185 ಕೋಟಿ)ಗೆ ಇನ್ಶೂರೆನ್ಸ್ ಮಾಡಿಸಿದ್ದಾಳೆ.

ಡೇವಿಡ್ ಬೆಕಾಂ: ತನ್ನ ಸುವರ್ಣಕಾಲದಲ್ಲಿ ಫುಟ್ಬಾಲ್ ಆಟಗಾರ ಡೇವಿಡ್ ಬೆಕಾಂ ತನ್ನ ಕಾಲುಗಳನ್ನು 100 ಮಿಲಿಯನ್ ಪೌಂಡ್‌ಗೆ  ಇನ್ಶೂರೆನ್ಸ್ ಮಾಡಿಸಿದ್ದರು.

ಮಾರಿಯಾ ಕಾರಿ: ಲೆಗ್ಸ್ ಆಫ್ ಎ ಗಾಡೆಸ್ ಎಂಬ ಜಾಹೀರಾತು ಪ್ರಚಾರಕ್ಕಾಗಿ ಪಾಪ್ ಗಾಯಕಿ ಮಾರಿಯಾ ಕಾರಿ ತನ್ನ ಕಾಲುಗಳನ್ನು 1 ಬಿಲಿಯನ್ ಡಾಲರ್ ( ಸರಿಸುಮಾರು ರು. 6000 ಕೋಟಿ)ಗೆ ಇನ್ಶೂರೆನ್ಸ್ ಮಾಡಿಸಿದ್ದರು.