ಜೈಪುರ್: ರಾಜಸ್ಥಾನದ ಜೈಪುರದ ಬೀವರ್ ಪಟ್ಟಣದಲ್ಲಿ ಹಿಂದೂ ಮಾಲೀಕನಿಂದ 700 ವರ್ಷಗಳಷ್ಟು ಹಳೆಯದಾದ ಐತಿಹಾಸಿಕ ಖುರಾನ್ ಗ್ರಂಥವನ್ನು ದುಷ್ಕರ್ಮಿಗಳು ಕಕದ್ದೊಯ್ದಿದ್ದಾರೆ.

2011ರಲ್ಲಿ ಈ ಐತಿಹಾಸಿಕ ಗ್ರಂಥವನ್ನು ಜೈದೇವ್ ಪ್ರಸಾದ್ ಶರ್ಮಾರಿಗೆ ಸ್ನೇಹಿತನೊಬ್ಬ ಉಡುಗೊರೆಯಾಗಿ ಕೊಟ್ಟಿದ್ದ. ಮಂಗಳವಾರ ಸಂಜೆ ಶರ್ಮಾ ಮನೆಗೆ ಬಂದ ಉದ್ಯಮಿಯೊಬ್ಬ ಖುರಾನ್ ನೋಡಬೇಕೆಂದು ಕೇಳಿದ್ದಾನೆ. ಈ ವೇಳೆ ಮನೆಗೆ ಪ್ರವೇಶಿಸಿದ ಮತ್ತೊಬ್ಬ ಆಗಂತುಕ ಶರ್ಮಾರನ್ನ ಹೆದರಿಸಿ ಖುರಾನನ್ನು ಕದ್ದು ಬೈಕಿನಲ್ಲಿ ಒಯ್ದಿದ್ದಾನೆ. ಮಹತ್ವದ ಖುರಾನ್ ಗ್ರಂಥವನ್ನು ಕಳೆದುಕೊಂಡಕೊಂಡಿದ್ದಾರೆ.

ನಾನು ಹಿಂದೂ ಆಗಿದ್ದರೂ ಪವಿತ್ರ ಗ್ರಂಥ ಖುರಾನ್ ಬಗ್ಗೆ ಅಪಾರ ಅಭಿಮಾನ ಹೊಂದಿದ್ದೆ. ತನ್ನ ಮಗಳಿಗೆ ಕೊಡಬೇಕೆಂದು ಇಟ್ಟುಕೊಂಡಿದ್ದೆ ಎಂದು ದುಃಖ ವ್ಯಕ್ತಪಡಿಸಿದ್ದಾರೆ. 700 ವರ್ಷಗಳಷ್ಟು ಹಳೆಯದಾದ ಈ ಖುರಾನ್ ಗ್ರಂಥದಲ್ಲಿನ ಅಕ್ಷರಗಳನ್ನು ಬಂಗಾರದಿಂದ ಬರೆಯಲಾಗಿತ್ತು. ಅಮೂಲ್ಯ ರತ್ನಗಳಿಂದ ಸಿಂಗರಿಸಲಾಗಿತ್ತು.