ಕೊಹಿಮಾ: ನಾಗಾಲ್ಯಾಂಡ್‍ನಲ್ಲಿ ಭಾನುವಾರ ಅರೆಸೇನಾ ಪಡೆಯ ಮೇಲೆ ದಾಳಿ ನಡೆಸಿರುವ ಉಗ್ರರು 8 ಮಂದಿ ಅಸ್ಸಾಂ ರೈಫ ಲ್ಸ್ ಯೋಧರನ್ನು ಹತ್ಯೆಗೈದಿದ್ದಾರೆ. 6 ಮಂದಿ ಗಾಯಗೊಂಡಿ ದ್ದು, ನಾಲ್ವರು ಯೋಧರು ಕಣ್ಮರೆಯಾಗಿದ್ದಾರೆ. ಚಂಗ್ಲಾಂಗ್ಸು ಗ್ರಾಮದಿಂದ ನೀರು ತರಲೆಂದು ಮಧ್ಯಾಹ್ನ 2.30ರ ವೇಳೆಗೆ 23ನೇ ಅಸ್ಸಾಂ ರೈಫಲ್ಸ್ ನ 18 ಯೋ ಧರು ಟ್ರಕ್‍ನಲ್ಲಿ ತೆರಳುತ್ತಿದ್ದರು. ಈ ವೇಳೆ ಏಕಾಏಕಿ ದಾಳಿ ನಡೆಸಿದ ಎನ್‍ಎಸ್‍ಸಿಎನ್(ಕೆ) ಉಗ್ರರು, 8 ಮಂದಿ ಯೋಧರನ್ನು ಹತ್ಯೆಗೈದರು. ಅಸ್ಸಾಂ ರೈಫಲ್ಸ್ ಯೋ ಧರು ಪ್ರತಿದಾಳಿ ನಡೆಸಿ, ಒಬ್ಬ ಉಗ್ರನನ್ನು ಹೊಡೆದುರುಳಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಉಗ್ರ ಸಂಘಟನೆಯ ಜತೆಗಿನ 15 ವರ್ಷಗಳ ಕದನ ವಿರಾಮ ಉಲ್ಲಂಘನೆಯನ್ನು ಕೇಂದ್ರ ಸರ್ಕಾರ ಕಳೆದ ತಿಂಗಳಷ್ಟೇ ವಾಪಸ್ ಪಡೆದಿತ್ತು. ಇದಾದ ಒಂದೇ ತಿಂಗಳಲ್ಲಿ ಯೋಧರ ಮೇಲೆ ನಡೆದ 2ನೇ ದಾಳಿ ಇದಾಗಿದೆ.