ಚಂಡಿಗಢ: ಪಂಜಾಬ್ ನಲ್ಲಿ ಶೇ.80 ರಷ್ಟು ಯುವಕರು ಮಾದಕದ್ರವ್ಯಗಳಿಗೆ ದಾಸರಾಗಿದ್ದಾರೆ ಎಂದು ಯೋಗಗುರು ಬಾಬಾರಾಮದೇವ್ ಅಭಿಪ್ರಾಯ ಪಟ್ಟಿದ್ದಾರೆ.
ಹರ್ಯಾಣದ ಯೋಗ ಮತ್ತು ಆಯುರ್ವೇದದ ಬ್ರಾಂಡ್ ಅಂಬಾಸಿಡರ್ ಆಗಿರುವ ಬಾಬಾ ರಾಮದೇವ್, ತಾವು ವಿದೇಶಗಳಿಗೆ ಪ್ರವಾಸ ಹೋದಾಗ  ಪಂಜಾಬ್ ಯುವಕರನ್ನು ಡ್ರಗ್ಸ್ ನಿಂದ ರಕ್ಷಿಸಬೇಕೆಂದು ಹಲವು ಜನ ತಮ್ಮಲ್ಲಿ ಮನವಿ ಮಾಡಿದ್ದಾಗಿ ಹೇಳಿದರು.
ಹರ್ಯಾಣ ಸರ್ಕಾರ ಕುರುಕ್ಷೇತ್ರದಲ್ಲಿ ಆಯುಷ್ ವಿಶ್ವವಿದ್ಯಾನಿಲಯ ಸ್ಥಾಪಿಸಲು  ನಿರ್ಧರಿಸಿದ್ದು, ರೋಗಿಗಳಿಗೆ ಉನ್ನತ ಗುಣಮಟ್ಟದ ಚಿಕಿತ್ಸೆ ನೀಡಲು ಸರ್ಕಾರ ತಯಾರಿ ನಡೆಸಿದೆ ಎಂದರು. ಹರ್ಯಾಣ ಮುಖ್ಯಮಂತ್ರಿ ಮನೋಹರ್ ಲಾಲ್ ಖತ್ತಾರ್ ಹರಿದ್ವಾರದಲ್ಲಿ ಪತಂಜಲಿ ಯೋಗಪೀಠ ಸ್ಥಾಪಿಸಲು ನೆರವು ನೀಡುತ್ತಿದೆ ಎಂದರು.

ಮುಂಬರುವ ದಸರಾ ಒಳಗೆ ಹರ್ಯಾಣದ 1 ಸಾವಿರ ಗ್ರಾಮಗಳಲ್ಲಿ ಯಯೋಗ ಮತ್ತು ವ್ಯಾಯಾಮ ಶಾಲೆಗಳನ್ನು ಸ್ಥಾಪಿಸುವ ಭರವಸೆ ನೀಡಿದ್ದಾರೆ ರಾಮದೇವ್ ವಿವರಿಸಿದರು.