ಕೋಲ್ಕತ್ತಾ: ಕೋಲ್ಕತ್ತಾದಲ್ಲಿ ಶಂಕಿತ ಐಎಸ್ಐ ಏಜೆಂಟ್ ನ್ನು ಬಂಧಿಸಲಾಗಿದ್ದು  ಸ್ಥಳೀಯ ನ್ಯಾಯಾಲಯ ಬಂಧಿತನನ್ನು ನವೆಂಬರ್ 29 ವರೆಗೆ ಪೊಲೀಸ್ ಕಸ್ಟಡಿಗೆ ಒಪ್ಪಿಸಿದೆ.
ವಿಶೇಷ ಕಾರ್ಯಪಡೆ ಪೊಲೀಸರು(ಎಸ್.ಟಿ.ಎಫ್) ಪೊಲೀಸರು ಐಎಸ್ಐ ಏಜೆಂಟ್ ಅಖ್ತರ್ ಖಾನ್ ಅವರನ್ನು ಬಂಧಿಸಿದ್ದಾರೆ. ಬಂಧಿತನಿಂದ ಹಲವು ನಕಲಿ ದಾಖಲೆ ಹಾಗೂ 1 .72 ಲಕ್ಷ ರೂ ಮೌಲ್ಯದ ಖೋಟಾ ನೋಟುಗಳನ್ನು ವಶಪಡಿಸಿಕೊಳ್ಳಲಾಗಿದೆ.  ಭಾರತದ ವಿರುದ್ಧ ಯುದ್ಧ ನಡೆಸಲು ಸಂಚು ರೂಪಿಸಿರುವ ಆರೋಪದಡಿ ಅಖ್ತರ್ ಖಾನ್ ಅವರನ್ನು ಬಂಧಿಸಲಾಗಿದೆ.
ಕೋಲ್ಕತ್ತಾ ಪೊಲೀಸರ ಪ್ರಕಾರ ಬಾರ್ಟೆಂಡರ್ ಆಗಿ ಕೆಲಸ ಮಾಡುತ್ತಿದ್ದ ಅಖ್ತರ್ ಖಾನ್, ಪಾಕಿಸ್ತಾನದ ಪರವಾಗಿ ಗೂಢಚಾರಿಕೆ ಮಾಡುತ್ತಿದ್ದ, 2008 ರಲ್ಲಿ ಅಖ್ತರ್ ಖಾನ್ ಭಾರತಕ್ಕೆ ಬಂದಿದ್ದಾನೆ ಎಂದು ಹೇಳಲಾಗಿದೆ.