ಪ್ರಧಾನಿ ಮನೆ ಎದುರು ಎಕೆ 47 ಗುಂಡು ಹಾರಾಟ

ಪ್ರಧಾನಿ ನರೇಂದ್ರ ಮೋದಿ ಅವರು ರೇಸ್ ಕೋರ್ಸ್ ನಲ್ಲಿರುವ ನಿವಾಸದ ಬಳಿ ಆಕಸ್ಮಿಕವಾಗಿ ಗುಂಡು...

Updated:19th Nov, 2015 at 1:13 AM

ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ಅವರು ರೇಸ್ ಕೋರ್ಸ್ ನಲ್ಲಿರುವ ನಿವಾಸದ ಬಳಿ ಆಕಸ್ಮಿಕವಾಗಿ ಗುಂಡು ಹಾರಿದೆ.

ಮನೆಯ ಹೊರಭಾಗದಲ್ಲಿ ಪೊಲೀಸ್ ಕಾನ್ ಸ್ಟೇಬಲ್ ಒಬ್ಬರ ಬಂದೂಕಿನಿಂದ ಬುಧವಾರ ರಾತ್ರಿ ಆಕಸ್ಮಿಕವಾಗಿ ಗುಂಡು ಹಾರಿ ಭದ್ರತಾ ಸಿಬ್ಬಂದಿ ಆತಂಕಗೊಳ್ಳುವಂತೆ ಮಾಡಿತ್ತು.

ಪ್ರಧಾನಿ ಮನೆಯ ಎದುರು ದಿಕ್ಕಿನಲ್ಲಿರುವ ಮಾಧಯ್ಮಗಳ ವಾಹನ ನಿಲುಗಡೆ ಪ್ರದೇಶದಲ್ಲಿ ಘಟನೆ ನಡೆದಿದ್ದು, ಯಾವುದೇ ಅನಾಹುತವಾಗಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.

ಪೊಲೀಸ್ ನಿಯಂತ್ರಣ ಕೊಠಡಿ ಘಟಕದಲ್ಲಿ ನಿಯೋಜನೆಗೊಂಡಿರುವ ಕಾನ್ ಸ್ಟೇಬಲ್ ಒಬ್ಬರು ತಮ್ಮ ಎಕೆ 47 ಬಂದೂಕಿಗೆ ಲೋಡ್ ಮಾಡುವಾಗ ಆಕಸ್ಮಿಕವಾಗಿ ಮೂರು ಸುತ್ತು ಗುಂಡು ಹಾರಿದೆ.

ಪ್ರಧಾನಿ ನಿವಾಸದ ಭದ್ರತಾ ಸಿಬ್ಬಂದಿಗಳು ಗುಂಡು ಹಾರಿಸದ ಸ್ಥಳಕ್ಕೆ ತಕ್ಷಣ ಬಂದಿದ್ದಾರೆ. ಘಟನೆ ಬಗ್ಗೆ ತನಿಖೆಗೆ ಆದೇಶಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.