ಹರ್ಯಾಣ: ಅಕ್ರಮ ಮದ್ಯ ತಡೆ ವಿಚಾರದಲ್ಲಿ ಆರೋಗ್ಯ ಸಚಿವ ಅನಿಲ್ ವಿಜ್​ ಹಾಗೂ ಮಹಿಳಾ ಎಸ್ಪಿ ಸಂಗೀತಾ ಕಾಲಿಯವರ ನಡುವೆ ಮಾತಿನ ಚಕಮಕಿ ನಡೆದಿದೆ.

ಅಕ್ರಮ ಮದ್ಯೆ ತಡೆಗೆ ಏನು ಕ್ರಮಕೈಗೊಂಡಿದ್ದಿರಾ ಎಂದು ಮಹಿಳಾ ಎಸ್ಪಿಯನ್ನು ಸಚಿವರು ಪ್ರಶ್ನಿಸಿದ್ದಾರೆ. ಈ ವೇಳೆ ಉತ್ತರ ನೀಡಿದ ಎಸ್ಪಿ ಸಂಗೀತಾ, ಸ್ಥಳೀಯರ ದೂರಿನ ಮೇರೆಗೆ 2500 ಪ್ರಕರಣ ದಾಖಲಿಸಿದ್ದೇವೆ ಎಂದು ವಿವರಿಸಿದರು. ಇದಕ್ಕೆ ತೃಪ್ತರಾಗದ ಸಚಿವರು, ಇದು ಸಾಲದು, ನಿಮ್ಮ ಪೊಲೀಸ್​ ಇಲಾಖೆ ಕಾರ್ಯವೈಖರಿ ಸರಿಯಿಲ್ಲ ಎಂದು ತರಾಟೆಗೆ ತೆಗೆದುಕೊಂಡದರು. 

ಈ ಮಾತಿನಿಂದ ಕೆರಳಿದ ಎಸ್​ಪಿ ಸಂಗೀತಾ, ಮದ್ಯ ಮಾರಾಟಕ್ಕೆ ನಿಮ್ಮ ಇಲಾಖೆಯಿಂದಲೇ ಪರವಾನಿಗೆ ನೀಡಿದ್ದೀರಾ, ಮತ್ತೆ ಕ್ರಮಕೈಗೊಳ್ಳಿ ಎಂದು ನಮ್ಮನ್ನು ದಬಾಯಿಸುತ್ತೀರಾ ಅಂತ ಸಚಿವರೇ ತಿರುಗೇಟು ನೀಡಿದ್ದಾರೆ.

ಇದರಿಂದ ಆಕ್ರೋಶಗೊಂಡ ಸಚಿವ ಅನಿಲ್​ ವಿಜ್​ ಎಸ್​ಪಿಯನ್ನು ಸಭೆಯಿಂದ ಹೊರ ಹೋಗಿ ಎಂದು ಗದರಿಸಿದ್ದಾರೆ. ಆದರೆ ಎಸ್​ಪಿ ಸಂಗೀತಾ ಸಭೆಯಿಂದ ಹೊರಗೆ ಹೋಗದ್ದರಿಂದ ಸಚಿವ ಅನಿಲ್​ ವಿಜ್​ಯೇ ಸಭೆ ಬಿಟ್ಟು ಹೊರಟು ಹೋಗಿದ್ದಾರೆ.