ನವದೆಹಲಿ: ಕೊಲಿಜಿಯಂ ವ್ಯವಸ್ಥೆ ಸಂವಿಧಾನ ವಿರೋಧಿ ಎಂದು ಹೇಳುವ ಮೂಲಕ ನ್ಯಾಯಾಂಗ ವ್ಯವಸ್ಥೆ ಹಾಗೂ ಶಾಸಕಾಂಗದ ನಡುವೆ ನಡೆದಿರುವ ಹಗ್ಗಜಗ್ಗಾಟಕ್ಕೆ ವಿತ್ತ ಸಚಿವ ಅರುಣ್ ಜೇಟ್ಲಿ ಹೊಸ ಆವೃತ್ತಿಯನ್ನು ಸೇರಿಸಿದ್ದಾರೆ. 

ರಾಜ್ಯಸಭೆಯನ್ನು ಉದ್ದೇಶಿಸಿ ಶನಿವಾರ ಮಾತನಾಡಿದ ಜೇಟ್ಲಿ, ನ್ಯಾಯಾಂಗ ವ್ಯವಸ್ಥೆ ಶಾಸಕಾಂಗದ ಅಧಿಕಾರವನ್ನು ಪಡೆಯಲಾಗದು ಎಂದಿದ್ದಾರೆ. ನ್ಯಾಯಾಂಗದ ಅತಿ ಸಕ್ರಿಯತೆಯು ನ್ಯಾಯಾಂಗ, ಕಾರ್ಯಾಂಗ ಹಾಗೂ ಶಾಸಕಾಂಗಗಳ ಅಧಿಕಾರದಲ್ಲಿ ದುರ್ಬಲತೆ ಉಂಟುಮಾಡುತ್ತದೆ. 

ಹೀಗೆ ದುರ್ಬಲತೆಯು ತಲೆದೋರಿದರೆ ರಾಜ್ಯ ಅಥವಾ ಕೇಂದ್ರಗಳಿಂದ ಉಂಟಾಗುವಂಥದ್ದಲ್ಲ. ಧನಾತ್ಮಕ ಬೆಳವಣಿಗೆಯಾಗಿ ಕಾಣಿಸಿಕೊಂಡ ಈ ಸಕ್ರಿಯತೆ ಕೆಲವೊಮ್ಮೆ ಲಕ್ಷ್ಮಣ ರೇಖೆ ದಾಟಿಬಿಡುತ್ತಿದೆ ಎಂದಿದ್ದಾರೆ.