ಜೆಹಾನಾಬಾದ್: ಒಂದು ಕಡೆ ಬಿಹಾರ ವಿಧಾನಸಭೆಗೆ ಮೊದಲ ಹಂತದ ಮತದಾನ ನಡೆಯುತ್ತಿದ್ದು, ಮತ್ತೊಂದು ಜೆಡಿಯು, ಆರ್‌ಜೆಡಿ ಮೈತ್ರಿಕೂಟದ ವಿರುದ್ಧ ನೇರ ವಾಗ್ದಾಳಿ ನಡೆಸಿರುವ ಪ್ರಧಾನಿ ನರೇಂದ್ರ ಮೋದಿ ಅವರು, ನರೇಂದ್ರ ಮೋದಿಯ ನಿವಾಶವೇ ಅವರ ಏಕೈಕ ಉದ್ದೇಶ ಎಂದಿದ್ದಾರೆ.
ಬಹಿರಂಗ ಸಭೆಯನ್ನು ಉದ್ದೇಶಿಸಿ ಮಾತನಾಡಿದ ಮೋದಿ, ಬಿಹಾರ ಅಭಿವೃದ್ಧಿಗಾಗಿ ನಮಗೆ ಮತ ನೀಡಿ ಎಂದು ಎಲ್ಲಾ ಬಿಜೆಪಿ ನಾಯಕರು ಕೇಳುತ್ತಿದ್ದಾರೆ ಮತ್ತು ಇದು ನಮ್ಮ ಏಕೈಕ ಅಜೆಂಡಾ. ಆದರೆ ಮೋದಿ ವಿನಾಶ ನಮ್ಮ ಉದ್ದೇಶ ಎನ್ನುತ್ತಿದ್ದಾರೆ ಎಂದರು.
'ಮೋದಿ ವಿನಾಶ' ಒಂದು ಚುನಾವಣೆ ವಿಷಯವೇ? ಪ್ರತಿದಿನ ಇದನ್ನು ಅವರು ಹೇಳುತ್ತಿದ್ದಾರೆ ಮತ್ತು ಒಬ್ಬ ನಾಯಕರಂತೂ ಬಿಹಾರ ಚುನಾವಣೆ ಗೆದ್ದರೆ, ದೆಹಲಿಯಲ್ಲೂ ಮೋದಿ ಇರಲ್ಲ' ಎಂದಿದ್ದರು ಎಂದು ಪ್ರಧಾನಿ ಹೇಳಿದರು.
'ಮತ್ತೊಬ್ಬರನ್ನು ಮುಗಿಸುವುದು ಪ್ರಜಾಪ್ರಭುತ್ವದ ಅರ್ಥ ಅಲ್ಲ. ಆದರೆ ಜನರ ನಿರೀಕ್ಷೆಗಳನ್ನು ಈಡೇರಿಸುವುದೇ ನಿಜವಾದ ಪ್ರಜಾಪ್ರಭುತ್ವ' ಎಂದರು.