ಪಾಟ್ನಾ: ಮೂರು ದಿನಗಳ ಅಂತರಾಷ್ಟ್ರೀಯ ಬೌದ್ಧ ಸಮಾವೇಶದ ಸಮಾರೋಪ ಸಮಾರಂಭದಲ್ಲಿ ಭಾಗವಹಿಸಲು ಪ್ರಧಾನಿ ನರೇಂದ್ರ ಮೋದಿ ಅವರು ಬಿಹಾರದ ಗಯಾ ಜಿಲ್ಲೆಗೆ ಶನಿವಾರ ಬಂದಿಳಿದಿದ್ದಾರೆ.
ಬಿಹಾರದ ರಾಜ್ಯಪಾಲ ರಾಮನಾಥ್ ಕೋವಿಂದ್ ಮತ್ತು ಸಚಿವ ಶ್ಯಾಮ್ ರಜಾಕ್ ಅವರು ಗಯಾ ವಿಮಾನ ನಿಲ್ದಾಣದಲ್ಲಿ ಮೋದಿಯವರನ್ನು ಸ್ವಾಗತಿಸಿದ್ದಾರೆ,
ಪಾಟ್ನಾ ದಿಂದ ೧೧೦ ಕಿಮೀ ದೂರದಲ್ಲಿರುವ ಬೋಧ ಗಯಾ ಬುದ್ಧ ಅನುಯಾಯಿಗಳಿಗೆ ಪವಿತ್ರ ಸ್ಥಳ ಮತ್ತು ಮೋದಿಯವರಿಗೆ ಇದು ಪ್ರಥಮ ಭೇಟಿ.
೯೦ ದೇಶಗಳಿಂದ ಬಂದಿರುವ ಗಣ್ಯರೊಂದಿಗೆ ಬೋಧ ಗಯಾ ದೇವಾಲಯ ಆವರಣದಲ್ಲಿ ನಡೆಯುವ ಕಾರ್ಯಕ್ರಮದಲ್ಲಿ ಮೋದಿ ಭಾಗವಹಿಸಲಿದ್ದಾರೆ. ಶ್ರೀಲಂಕಾದ ಅಧ್ಯಕ್ಷ ಚಂದ್ರಿಕಾ ಕುಮಾರತುಂಗಾ ಅವರನ್ನು ಒಳಗೊಂಡಂತೆ ಜಪಾನ್, ಮಯನ್ಮಾರ್, ನೇಪಾಳ, ಭೂತಾನ್ ಮತ್ತು ತೈವಾನಿನ ವಿದೇಶಾಂಗ ಸಚಿವರು ಭಾಗವಹಿಸಲಿದ್ದಾರೆ.
ಬೋಧ ಗಯಾದಲ್ಲಿ ವಿಶೇಷ ಬಿಗಿ ಭದ್ರತೆ ಒದಗಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.