ಚೆನ್ನೈ: ಮಹಿಳೆಯದ ಸ್ವ ಸಹಾಯ ಸಂಘಗಳಿಗೆ ತರಬೇತಿ ನೀಡುವವರಿಗೆ ಅಮ್ಮ ಮೊಬೈಲ್ ಫೋನ್‌ಗಳನ್ನು ವಿತರಣೆ ಮಾಡುವುದಾಗಿ ತಮಿಳ್ನಾಡು ಮುಖ್ಯಮಂತ್ರಿ ಜೆ. ಜಯಲಲಿತಾ ಹೇಳಿದ್ದಾರೆ. ಸೋಮವಾರ ರಾಜ್ಯ ವಿಧಾನಸಭೆಯಲ್ಲಿ ಈ ವಿಷಯವನ್ನು ಘೋಷಣೆ ಮಾಡಿದ ಜಯಲಲಿತಾ, ಮೊದಲ ಹಂತದಲ್ಲಿ ರು. 15 ಕೋಟಿ ವೆಚ್ಚದಲ್ಲಿ 20,000 ಮೊಬೈಲ್ ಫೋನ್ ಗಳನ್ನು ವಿತರಿಸಲಾಗುವುದು ಎಂದು ಹೇಳಿದ್ದಾರೆ.
ಮಹಿಳಾ ಸ್ವ ಸಹಾಯ ಸಂಘದ ತರಬೇತಿದಾರರಿಗೆ ಸದಸ್ಯರ ಸದಸ್ಯತ್ವದ ಮಾಹಿತಿ, ಉಳಿತಾಯ, ಸಾಲ ಮತ್ತು ಪರಿಹಾರಗಳ ಬಗ್ಗೆ ಮಾಹಿತಿಗಳನ್ನು ಬಹು ಜಾಗರೂಕತೆಯಿಂದ ಇಡಬೇಕಾಗುತ್ತದೆ. ಇದಕ್ಕೆಲ್ಲ ಸಹಾಯವಾಗುವಂತೆ ತಮಿಳ್ನಾಡಿನ ಸರ್ಕಾರವೇ ಸಿದ್ಧಪಡಿಸಿದ ಸಾಫ್ಟ್‌ವೇರ್ ಈ ಮೊಬೈಲ್‌ನಲ್ಲಿದೆ.
ಅಮ್ಮಾ ಸಿಮೆಂಟ್, ಅಮ್ಮಾ ಮಿನರಲ್ ವಾಟರ್, ಅಮ್ಮಾ ಕ್ಯಾಂಟೀನ್ ಹೀಗೆ ಮೊದಲಾದ ಅಮ್ಮಾ ಯೋಜನೆಗಳ ನಂತರ ಅಮ್ಮಾ ಮೊಬೈಲ್ ಫೋನ್ ಜನರ ಕೈಗೆಟುಕಲಿದೆ.