ನವದೆಹಲಿ: ರಿಲಯನ್ಸ್ ಜಿಯೋ 4 ಜಿ ಪರವಾನಗಿಯನ್ನು ರದ್ದುಗೊಳಿಸುವಂತೆ ಮನವಿ ಮಾಡಿ ಸಲ್ಲಿಸಲಾಗಿದ್ದ ಅರ್ಜಿಯನ್ನು ಸುಪ್ರೀಂ ಕೋರ್ಟ್ ವಜಾಗೊಳಿಸಿದೆ.
ಸಾರ್ವಜನಿಕ ಹಿತಾಸಕ್ತಿ ಅರ್ಜಿಯ ವಿಚಾರಣೆ ನಡೆಸಿದ ಸುಪ್ರೀಂ ಕೋರ್ಟ್ ನ ಮುಖ್ಯ ನ್ಯಾ.ಟಿಎಸ್ ಠಾಕೂರ್, ನ್ಯಾ.ಎಕೆ ಸಿಕ್ರಿ, ಆರ್ ಭಾನುಮತಿ ಅವರಿದ್ದ ಪೀಠ ಆರೋಪಗಳನ್ನು ಕೇಂದ್ರ ಸರ್ಕಾರ ಇತ್ಯರ್ಥಗೊಳಿಸಬೇಕೆಂದು ಹೇಳಿದೆ.
ಮೊದಲು ರಿಲಯನ್ಸ್ ಜಿಯೋ ಗೆ ಡಾಟಾ ಸೇವೆಗಳಿಗಾಗಿ 4 ಜಿ ಪರವಾನಗಿಯನ್ನು ನೀಡಲಾಗಿತ್ತು, ಆದರೆ ಕರೆಗಳಿಗೆ 4 ಜಿ ಪರವಾನಗಿ ನೀಡಲಾಗಿರಲಿಲ್ಲ ಆದರೂ ನಂತರದ ದಿನಗಳಲ್ಲಿ ಕರೆಗಳಿಗೂ 4 ಜಿ ಪರವಾನಗಿಯ ಅನುಮತಿ ನೀಡಲಾಗಿದೆ ಎಂದು ಆರೋಪಿಸಿ ಸಿಪಿಐಎಲ್ ಎಂಬ ಎನ್ ಜಿಒ ಸುಪ್ರೀಂ ಕೋರ್ಟ್ ನಲ್ಲಿ ಸಾರ್ವಜನಿಕ ಹಿತಾಸಕ್ತಿ ಅರ್ಜಿ ಸಲ್ಲಿಸಿತ್ತು. ಅರ್ಜಿ ವಿಚಾರಣೆ ನಡೆಸಿರುವ ನ್ಯಾಯಾಲಯ ಅರ್ಜಿಯನ್ನು ವಜಾಗೊಳಿಸಿದೆ.