ಗುರಗಾಂವ್: ಹರಿಯಾಣ ಸರ್ಕಾರ ಗುರಗಾಂವ್ ಜಿಲ್ಲೆಯ ಹೆಸರನ್ನು ಗುರುಗ್ರಾಮ್ ಎಂದು ಬದಲಾಯಿಸಿ ಮಂಗಳವಾರ ಆದೇಶ ಹೊರಡಿಸಿದೆ.

ಗುರಗಾಂವ್ ಜಿಲ್ಲೆಯ ಅಧಿಕೃತ ವೆಬ್ ಸೈಟ್ ಪ್ರಕಾರ, ಈ ಜಿಲ್ಲೆಯನ್ನು ಪ್ರಾಚೀನ ಕಾಲದಲ್ಲಿ ಗುರು ಗ್ರಾಮ ಎಂದು ಕರೆಯಲಾಗುತ್ತಿತ್ತು. ಆದರೆ ಕಾಲಾನಂತರ ಅದು ಗುರಗಾಂವ್ ಎಂದು ಪರಿವರ್ತನೆಯಾಯಿತು. ಗುರು ದ್ರೋಣಾಚಾರ್ಯರ ಹೆಸರಿನಿಂದ ಈ ಜಿಲ್ಲೆಯನ್ನು ಗುರುತಿಸಲಾಗಿದೆ.

ಹರಿಯಾಣ ಸರ್ಕಾರ ಈ ನೂತನ ಹೆಸರು ಗುರಗಾಂವ್ ನಗರಕ್ಕೂ ಅನ್ವಯಿಸಲಿದೆಯೋ ಅಥವಾ ಇಲ್ಲವೋ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ.