ಶ್ರೀನಗರ: ಕಾಶ್ಮೀರದಲ್ಲಿ ಗಲಭೆ ವಾತಾವರಣ ನಿರ್ಮಾಣವಾಗಿರುವ ಹಿನ್ನೆಲೆಯಲ್ಲಿ ವಿಧಿಸಲಾಗಿರುವ ಕರ್ಫ್ಯೂ ಸತತ 34 ನೇ ದಿನವೂ ಮುಂದುವರೆದಿದೆ.

ಪುಲ್ವಾಮ, ಕುಲ್ಗಾಮ್, ಶೋಪಿಯಾನ್, ಅನಂತ್ ನಾಗ್ ಜಿಲ್ಲೆಗಳಲ್ಲಿ ಕರ್ಫ್ಯೂ ಮುಂದುವರೆಯಲಿದೆ ಎಂದು ಹಿರಿಯ ಅಧಿಕಾರಿಯೊಬ್ಬರು ಮಾಧ್ಯಮಗಳಿಗೆ ಮಾಹಿತಿ ನೀಡಿದ್ದಾರೆ. ಬಾರಾಮುಲ್ಲಾ, ಹಂದ್ವಾರಾ, ಕುಪ್ವಾರ ಗಳಲ್ಲಿ ವಿಧಿಸಲಾಗಿರುವ ನಿರ್ಬಂಧ ಮುಂದುವರೆಯಲಿದೆ. ಸರ್ಕಾರಿ ಸಾರಿಗೆ ವಾಹನಗಳ ಸಂಚಾರ ಇಲ್ಲದೆ ಹೋದರೂ, ಶ್ರೀನಗರದಲ್ಲಿ ಖಾಸಗಿ ವಾಹನಗಳು ಹಾಗೂ ಸಾರ್ವಜನಿಕರ ಸಂಚಾರ ಕಂಡುಬಂದಿದ್ದು, ಪರಿಸ್ಥಿತಿ ಪ್ರಶಾಂತವಾಗಿದೆ ಎಂದು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ.