ನವದೆಹಲಿ: ಕೇಂದ್ರ ಜವಳಿ ಖಾತೆಯ ಸಚಿವೆ ಸ್ಮೃತಿ ಇರಾನಿ ಪ್ರಪಂಚದ ಪ್ರಪಂಚದ ಅತಿ ಎತ್ತರದ ಯುದ್ದಭೂಮಿಯಾದ ಸಿಯಾಚಿನ್ ನಲ್ಲಿ ರಕ್ಷಾಬಂಧನವನ್ನು ಆಚರಿಸಲಿದ್ದಾರೆ.

ಎನ್ ಡಿ ಟಿವಿ ವರದಿಯ ಪ್ರಕಾರ ಕೇಂದ್ರ ಸಚಿವೆ ಸ್ಮೃತಿ ಇರಾನಿ ಸಿಯಾಚಿನ್ ನಲ್ಲಿ ಮುಂದಿನ ವಾರ ಯೋಧರೊಂದಿಗೆ ರಕ್ಷಾ ಬಂಧನವನ್ನು ಆಚರಿಸಲಿದ್ದು, ಇದಕ್ಕೆ ರಕ್ಷಣಾ ಸಚಿವರ ಅನುಮತಿಯೂ ಸಿಕ್ಕಿದೆ ಎಂದು ತಿಳಿದುಬಂದಿದೆ. ಸ್ಮೃತಿ ಇರಾನಿ ಅವರಂತೆಯೇ ಬಿಜೆಪಿಯ ಉಳಿದ 8 ಮಹಿಳಾ ಸಚಿವರು ರಾಜಸ್ತಾನ, ಈಶಾನ್ಯ ರಾಜ್ಯ ಹಾಗೂ ಕಾಶ್ಮೀರ ಸೇರಿದಂತೆ ಭಾರತದ ಗಡಿ ಭಾಗಗಳಲ್ಲಿ ಯೋಧರೊಂದಿಗೆ ರಕ್ಷಾ ಬಂಧನ ಹಬ್ಬವನ್ನು ಆಚರಿಸಲಿದ್ದಾರೆ. 
ಸ್ಮೃತಿ ಇರಾನಿ ಅವರು ಇತ್ತೀಚೆಗಷ್ಟೇ ಭದ್ರತೆ ಇಲ್ಲದೆ ಸ್ಟಾರ್ ಬಕ್ಸ್ ಕಾಫಿ ಶಾಪ್ ನಲ್ಲಿ ಕಾಣಿಸಿಕೊಂಡು ಅಚ್ಚರಿ ಮೂಡಿಸಿದ್ದರು. ಈಗ ಪ್ರಪಂಚದ ಅತಿ ಎತ್ತರದ ಯುದ್ಧಭೂಮಿಯಾದ ಸಿಯಾಚಿನ್ ನಲ್ಲಿ ರಕ್ಷಾಬಂಧನವನ್ನು ಆಚರಿಸಲಿದ್ದಾರೆ.