ನವದೆಹಲಿ: ಈ ಶನಿವಾರದಿಂದ ನಾಲ್ಕು ದಿನಗಳವರೆಗೆ ಲೋಕಸಭಾ ಕಲಾಪಕ್ಕೆ ವಿರಾಮ ನೀಡಲಾಗಿದೆ. ಡಿಸೆಂಬರ್ 12ರಂದು ಈದ್ ಮಿಲಾದ್ ಹಬ್ಬವಿರುವುದರಿಂದ ಅಂದು ಮತ್ತು ಡಿಸೆಂಬರ್ 13ರಂದು ರಜೆ ನೀಡಿ ಸಂಸತ್ತಿನ ವ್ಯವಹಾರಗಳ ಸಲಹಾ ಸಮಿತಿ ಒಪ್ಪಿಗೆ ನೀಡಿದೆ.
ದಕ್ಷಿಣದ ಕೆಲವು ರಾಜ್ಯಗಳಲ್ಲಿ ಪ್ರವಾದಿ ಮೊಹಮ್ಮದರ ಜನ್ಮದಿನಾಚರಣೆಯನ್ನು ಸೋಮವಾರ ಆಚರಿಸುವುದರಿಂದ ಅಂದು ರಜೆ ನೀಡಬೇಕೆಂದು ಅನೇಕ ಪಕ್ಷಗಳ ಸದಸ್ಯರು ಒತ್ತಾಯಿಸಿದರು.
ಶೂನ್ಯ ವೇಳೆಯಲ್ಲಿ ಸದನದ ಒಪ್ಪಿಗೆ ಕೇಳಿದ ಲೋಕಸಭಾಧ್ಯಕ್ಷೆ ಸುಮಿತ್ರಾ ಮಹಾಜನ್ ಸದಸ್ಯರ ಬೆಂಬಲ ಸಿಕ್ಕಿದ ಬಳಿಕ ರಜೆ ಘೋಷಿಸಿದರು.