ಬಂಡಿಪೊರಾ: ಉಗ್ರಗಾಮಿಗಳು ಇರುವ ಶಂಕೆಯಿಂದ ಜಮ್ಮು-ಕಾಶ್ಮೀರದ ಬಂಡಿಪೊರಾದ ಹಜಿನ್ ಗ್ರಾಮದಲ್ಲಿ ಸೇನಾ ಪಡೆ ಮತ್ತು ಪೊಲೀಸರು ಬೆಳಗ್ಗೆಯಿಂದ ಪ್ರದೇಶದಲ್ಲಿ ಬೀಡುಬಿಟ್ಟು ಕಾಯುತ್ತಿದ್ದಾರೆ.
ಇಲ್ಲಿ ಕಳೆದ ತಿಂಗಳು 25ರಂದು ಉಗ್ರಗಾಮಿಗಳು ಮತ್ತು ಭದ್ರತಾ ಪಡೆಗಳ ನಡುವೆ ಗುಂಡಿನ ಚಕಮಕಿ ನಡೆದು ಇಬ್ಬರು ಉಗ್ರರು ಮತ್ತು ಸೇನಾ ಯೋಧರು ಮೃತಪಟ್ಟಿದ್ದರು.
ಸೆಪ್ಟೆಂಬರ್ 29ರಂದು ಪಾಕ್ ಆಕ್ರಮಿತ ಕಾಶ್ಮೀರದಲ್ಲಿ ಉಗ್ರಗಾಮಿಗಳ ಲಾಂಚ್ ಪಾಡ್ ಮೇಲೆ ಸರ್ಜಿಕಲ್ ಸ್ಟ್ರೈಕ್ ನಡೆದ ನಂತರ ಜಮ್ಮು-ಕಾಶ್ಮೀರದ ಅಂತಾರಾಷ್ಟ್ರೀಯ ಗಡಿಭಾಗ ಮತ್ತು ಗಡಿ ನಿಯಂತ್ರಣ ರೇಖೆ ಬಳಿ 286 ಸಲ ಗುಂಡು ಮತ್ತು ಶೆಲ್ ದಾಳಿ ನಡೆದಿತ್ತು. ಇದರಿಂದ ಕಳೆದ ಮೂರು ತಿಂಗಳಲ್ಲಿ 26 ಮಂದಿ ನಾಗರಿಕರು ಮತ್ತು 14 ಮಂದಿ ಭದ್ರತಾ ಸಿಬ್ಬಂದಿ ಮೃತಪಟ್ಟಿದ್ದರು.