ಥಾಣೆ: ಮಗಳ ಮದುವೆಯನ್ನು ಅದ್ದೂರಿಯಾಗಿ ಆಚರಿಸದೆ ಖರ್ಚು ಕಡಿಮೆ ಮಾಡಿಕೊಂಡು, ಅದರಲ್ಲಿ ರು. 6 ಲಕ್ಷವನ್ನು ಬರಪೀಡಿತ ಪ್ರದೇಶದ ರೈತರಿಗೆ ಸಹಾಯ ಮಾಡುವ ಮೂಲಕ  ವಿವೇಕ್ ವಾಡ್ಕೆ ಎಲ್ಲರಿಗೂ ಮಾದರಿಯಾಗಿದ್ದಾರೆ.

ಮಹಾರಾಷ್ಟ್ರದ ಥಾಣೆ  ನಿವಾಸಿಯಾದ 59ರ ಹರೆಯದ ಕೆಮಿಕಲ್ ಇಂಜಿನಿಯರ್ ವಿವೇಕ್ ವಾಡ್ಕೆ ಈ ರೀತಿ ರೈತರಿಗೆ ನೆರವಾಗಿದ್ದಾರೆ. ವಿವೇಕ್ ಮತ್ತು ಆತನ ಪತ್ನಿ ವಸಂತಿ ಅವರಿಗೆ ಸಾಮಾಜಿಕ ಕಾರ್ಯಗಳೆಂದರೆ ಇಷ್ಟ . ಬಯೋಇನ್‌ಫಾರ್ವಾಟಿಕ್ಸ್ ಪದವೀಧರೆಯಾದ ಮಗಳು ಜಯ್  ವಿವಾಹದೊಂದಿಗೆ ಯಾವುದಾದರೂ ಸಾಮಾಜಿಕ ಕಾರ್ಯಗಳನ್ನು ಮಾಡಬೇಕೆಂದು ವಿವೇಕ್ ತೀರ್ಮಾನಿಸಿದ್ದರು. ಹಾಗೆ ಮಗಳ ಮದುವೆಯ ಖರ್ಚನ್ನು ಕಮ್ಮಿ ಮಾಡಿ ಬರಪೀಡಿತ ಪ್ರದೇಶದ ರೈತರಿಗೆ ರು. 6 ಲಕ್ಷವನ್ನು ನೀಡಲಾಯಿತು.

ಎರಡು ತಿಂಗಳ ಹಿಂದ ಜಯ್ ಅವರ ಮದುವೆ ನಡೆದಿದ್ದು, ವಿವಾಹ ದಿನವೇ ರೈತರಿಗೆ ಹಣ ನೀಡಲಾಗಿತ್ತು. ರಾಜ್ಯದಲ್ಲಿನ ಬರಪ್ರದೇಶಗಳ ಸ್ಥಿತಿಯ ಬಗ್ಗೆ ಅರಿತಾಗ ಅಲ್ಲಿನ ರೈತರಿಗೆ ಸಹಾಯ ಮಾಡಬೇಕೆಂದೆನಿಸಿತು. ಹಾಗೆ ನನ್ನ ಕೈಲಾದ ಸಹಾಯ ಮಾಡಿದೆ ಅಂತಾರೆ ವಿವೇಕ್.