ಇಸ್ಲಾಮಾಬಾದ್: ಹೊಸ ವರ್ಷದ ನಿಮಿತ್ತ ಈ ಬಾರಿಯೂ ಪಾಕಿಸ್ತಾನ ಮತ್ತು ಭಾರತ ಪರಸ್ಪರ ಪರಮಾಣು ಸ್ಥಾವರ ಮತ್ತು ಕೈದಿಗಳ ವಿವರಗಳನ್ನು ಪರಸ್ಪರ ಹಸ್ತಾಂತರ ಮಾಡಿವೆ.

ನವದೆಹಲಿಯಲ್ಲಿ ಮತ್ತು ಇಸ್ಲಾಮಾಬಾದ್‍ನಲ್ಲಿ ಈ ಎರಡೂ ದೇಶಗಳ ಸರ್ಕಾರಗಳ ಹಿರಿಯ ಅಧಿಕಾರಿಗಳು 25ನೇ ವರ್ಷ ಈ ಪ್ರಕ್ರಿಯೆ ನಡೆಸಿದರು. ಹೀಗಾಗಿ, ಹಾಲಿ ವರ್ಷ ಎರಡು ದೇಶಗಳ ನಡುವಿನ ಒಪ್ಪಂದಕ್ಕೆ ಈಗ ಬೆಳ್ಳಿ ಹಬ್ಬದ ಸಂಭ್ರಮ.

1988ರ ಡಿ.31ರಂದು ಈ ಬಗ್ಗೆ ಒಪ್ಪಂದಕ್ಕೆ ಸಹಿ ಹಾಕಲಾಗಿತ್ತು. 1991ರ ಜ.27ರಂದು ಎರಡೂ ದೇಶಗಳು ಪರಸ್ಪರ ಪರಮಾಣು ಸ್ಥಾವರಗಳು ಮತ್ತು ಇತರ ವ್ಯೂಹಾತ್ಮಕ ಮಾಹಿತಿಗಳ ಬಗ್ಗೆ ಮಾಹಿತಿ ವಿನಿಮಯ ಮಾಡಿಕೊಳ್ಳುತ್ತಾ ಬಂದಿವೆ.