ನವದೆಹಲಿ: ಪಠಾಣ್ ಕೋಟ್ ವಾಯುನೆಲೆ ಮೇಲಿನ ದಾಳಿ ವೇಳೆ ಉಗ್ರರು `ವೃತ್ತಿಪರ ಸೇನಾ ಮಾದರಿ ತಂತ್ರಗಳನ್ನು' ಬಳಸಿದರು ಎಂದು ಮೂಲಗಳು ಅಭಿಪ್ರಾಯಪಟ್ಟಿವೆ. 

ದಾಳಿಯ ವೈಖರಿ ನೋಡಿದರೆ, 26/11ರ ಮುಂಬೈ ದಾಳಿಕೋರರಿಗಿಂತಲೂ ಹೆಚ್ಚಿನ ಪ್ರಮಾಣದ ತರಬೇತಿಯನ್ನು ಈ ಉಗ್ರರು ಪಡೆದಿರಬಹುದು ಎಂಬುವುದು ಗೊತ್ತಾಗುತ್ತದೆ. 

ದಾಳಿ ಸ್ಥಳದಲ್ಲಿ ಭಾರಿ ಪ್ರಮಾಣದ ಸ್ಫೋಟಕಗಳು, ರೈಫಲ್‍ಗಳು, ರಾಕೆಟ್ ಲಾಂಚರ್‍ಗಳು ಸಿಕ್ಕಿವೆ. ಅವರ ಗುಂಡಿನ ದಾಳಿಯ  ಶೈಲಿ, ಅಲರ್ಟ್ ನೆಸ್ ಕಡಿಮೆಯಿದ್ದಂತಹ ಸಮಯದಲ್ಲಿ ಅಂದರೆ ಮುಂಜಾನೆ 3 ಗಂಟೆ ವೇಳೆ ದಾಳಿ ನಡೆಸುವುದು, ಎಲ್ಲರೂ ಸತ್ತರು ಎಂದು ಭಾಸವಾಗುವಂತೆ ಮೌನವಾಗಿ ಸಂಚರಿಸುವುದು, ಶಸ್ತ್ರರಹಿತರು ಹೆಚ್ಚಿರುವ ಪ್ರದೇಶದಲ್ಲಿ ಗುಂಡು ಹಾರಿಸುವುದು ಮತ್ತಿತರ ಕಾರ್ಯತಂತ್ರಗಳು ಉಗ್ರರಿಗಿದ್ದ ಸೇನಾ ಮಾದರಿ ಚಾಕಚಕ್ಯತೆಯನ್ನು ತೋರಿಸಿತು ಎಂದಿವೆ ಮೂಲಗಳು.