ರಾಂಪುರ್:  ಎಐಸಿಸಿ ಉಪಾಧ್ಯಕ್ಷ ರಾಹುಲ್ ಗಾಂಧಿ ಈಗಲೂ ಚಿಕ್ಕ ಮಗುವೇ. ಅವರನ್ನು ಯಾರು ಕೂಡ ಗಂಭೀರವಾಗಿ ಪರಿಗಣಿಸುವುದಿಲ್ಲ ಎಂದು ಸಮಾಜವಾದಿ ಪಕ್ಷದ ನಾಯಕ ಅಜಂ ಖಾನ್ ವ್ಯಂಗ್ಯವಾಡಿದ್ದಾರೆ.

ರಾಹುಲ್ ಗಾಂಧಿಯವರ ಬುಂದೇಲ್‌ಖಂಡ್ ಪ್ರವಾಸದ ಮಾಧ್ಯಮಗಳು ಅಜಂ ಖಾನ್ ಪ್ರತಿಕ್ರಿಯೆ ಕೇಳಿದಾಗ ಮಾತನಾಡಿದ ಅವರು, ಬೇರೆಬೇರೆ ಪ್ರದೇಶಗಳಿಗೆ ಭೇಟಿ ನೀಡಿ ಕಾಂಗ್ರೆಸ್ ಉಪಾಧ್ಯಕ್ಷರು ಸುಸ್ತಾಗಿರಬೇಕು. ಅವರು ತಮ್ಮ ಜತೆ ಸ್ವಲ್ಪ ಚಾಕಲೇಟುಗಳನ್ನು ಸಹ ಇಟ್ಟುಕೊಂಡಿರಬೇಕು. ಸುತ್ತಾಟದ ಸಮಯದಲ್ಲಿ ಅವರು ಚಾಕಲೇಟು ತಿಂದು ಇತರ ಮಕ್ಕಳಿಗೂ ಅದನ್ನು ಹಂಚಬಹುದು', ಎಂದು ಕುಹಕವಾಡಿದ್ದಾರೆ.
 
ಕಳೆದೆರಡು ದಿನಗಳ ಹಿಂದೆ ತಮ್ಮ ಸರ್ಕಾರದ ವಿರುದ್ಧ ಕಿಡಿಕಾರಿದ್ದ ಕಾಂಗ್ರೆಸ್ ಉಪಾಧ್ಯಕ್ಷ ರಾಹುಲ್ ಗಾಂಧಿ ಅವರ ವಿರುದ್ಧ ಅಜಂ ಖಾನ್ ಹರಿ ಹಾಯ್ದಿದ್ದರು. ಬರಪೀಡಿತ ಬುಂದೇಲ್‌ಖಂಡ್ ಪ್ರದೇಶದಲ್ಲಿ ಶನಿವಾರ ರಾಹುಲ್ ಗಾಂಧಿ ಪಾದಯಾತ್ರೆ ಕೈಗೊಂಡಿದ್ದರು. ಮೃತ ರೈತರಿಗೆ ಉತ್ತರ ಪ್ರದೇಶ ಸರ್ಕಾರ ಘೋಷಿಸಿದ್ದ ಪರಿಹಾರ ಇನ್ನೂ ವಿತರಣೆ ಮಾಡಿಲ್ಲದರ ಕುರಿತು ಅವರು ಆಕ್ರೋಶ ವ್ಯಕ್ತಪಡಿಸಿದ್ದರು