ಮುಂಬೈ: ವಿದ್ವಂಸಕ ಕೃತ್ಯಗಳ ಮೂಲಕ ಜಗತ್ತಿನ ನಿದ್ದೆಗೆಡಿಸಿರುವ ಇಸ್ಲಾಮಿಕ್ ಸ್ಟೇಟ್ ಆಫ್ ಇರಾಕ್ ಮತ್ತು ಸಿರಿಯಾ(ಇಸಿಸ್) ಉಗ್ರ ಸಂಘಟನೆ ಇದೀಗ ತಾನು ತಯಾರಿಸಿರುವ ಹಿಟ್ ಲಿಸ್ಟ್ ಬಿಡುಗಡೆ ಮಾಡಿದ್ದು ಆತಂಕಕ್ಕೆ ಕಾರಣವಾಗಿದೆ.

ಇಸಿಸ್ ತನ್ನ ಖಾಸಗಿ ಚಾನೆಲ್ ಟೆಲಿಗ್ರಾಮ್ ಜಾಲತಾಣದಲ್ಲಿ ಬಿಡುಗಡೆ ಮಾಡಿರುವ ಪಟ್ಟಿಯಲ್ಲಿ 4 ಸಾವಿರಕ್ಕೂ ಅಧಿಕ ಜನರ ಹೆಸರನ್ನು ಬಿಡುಗಡೆ ಮಾಡಿದ್ದು ಅದರಲ್ಲಿ 285 ಜನರು ಭಾರತೀಯ ಹಿಟ್ ಲಿಸ್ಟ್ ನಲ್ಲಿದ್ದಾರೆ. ಇನ್ನು ಜನರಲ್ಲಿ ಭೀತಿ ಹುಟ್ಟಿಸುವ ಸಲುವಾಗಿ ಇಸಿಸ್ ಇಂತಹ ಕೃತ್ಯಗಳನ್ನು ಎಸಗುತ್ತಿರುವುದು ಇದೇ ಮೊದಲೇನಲ್ಲ.

ಇಸಿಸ್ ಹಿಟ್ ಲಿಸ್ಟ್ ಗಣ್ಯರ ಹೆಸರು, ವಿಳಾಸ ಸಮೇತ ಪ್ರಕಟಿಸಿರುವುದು ಆಂತಕಕ್ಕೆ ಎಡೆಮಾಡಿಕೊಟ್ಟಿದೆ. ಅಮೆರಿಕ, ಬ್ರಿಟನ್ ಕೆನಡಾ, ಫ್ರಾನ್ಸ್ ಸೇರಿದಂತೆ ಜಗತ್ತಿನ ಪ್ರಮುಖರನ್ನು ಟಾರ್ಗೆಟ್ ಮಾಡಿದೆ.

ಸಿರಿಯಾ ಮತ್ತು ಇರಾಕಿನಲ್ಲಿ ತಮ್ಮ ಅಸ್ತಿತ್ವಕ್ಕಾಗಿ ನಿರಂತರ ಹೋರಾಟದಲ್ಲಿ ತೊಡಗಿರುವ ಉಗ್ರರು ಪ್ರಪಂಚದಾದ್ಯಂತ ತಮ್ಮ ಜಾಲ ವಿಸ್ತರಿಸಿದ್ದಾರೆ.