ಜಮ್ಮು: ಜಮ್ಮು ಮತ್ತು ಕಾಶ್ಮೀರದ ಆರ್.ಎಸ್. ಪುರ ಪ್ರದೇಶದಲ್ಲಿನ ಭಾರತ-ಪಾಕಿಸ್ತಾನ ನಡುವಿನ ಅಂತಾರಾಷ್ಟ್ರೀಯ ಗಡಿ ಬಳಿ ರಹಸ್ಯ ಸುರಂಗ ಮಾರ್ಗವೊಂದು ಪತ್ತೆಯಾಗಿರುವುದಾಗಿ ತಿಳಿದುಬಂದಿದೆ.

ಸುರಂಗ ಮಾರ್ಗವನ್ನು ಗಡಿ ಭದ್ರತಾ ಪಡೆ ಪತ್ತೆ ಹಚ್ಚಿದ್ದು, ಆರ್ ಎಸ್ ಪುರ ಪ್ರದೇಶದ ಅಲ್ಲಾ ಮಾಯಿ ಕೊಥಾಯ್ ಸಮೀಪ, ಗಡಿಗೆ ಹೊಂದಿಕೊಂಡಂತೆ ಈ ರಹಸ್ಯ ಸುರಂಗವನ್ನು ಕೊರೆಯಾಗಿತ್ತು ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ಪ್ರಾಥಮಿಕ ತನಿಖೆ ಪ್ರಕಾರ ಈ ಸುರಂಗವು ಸುಮಾರು 50 ಅಡಿ ದೂರ ಹೊಂದಿದ್ದು, ಉಗ್ರರು ಈ ಮೂಲಕ ಭಾರತದ ಒಳ ಪ್ರವೇಶಿಸಲು ಯತ್ನಿಸುತ್ತಿದ್ದರೆಂದು ಬಿಎಸ್ ಎಫ್ ತಿಳಿಸಿದೆ. ಇದು ಬಿಎಸ್ಎಫ್ ಕಳೆದ 5 ವರ್ಷಗಳಲ್ಲಿ ಪತ್ತೆಹಚ್ಚಿರುವ 3ನೇ ರಹಸ್ಯ ಸುರಂಗವಾಗಿದೆ ಎಂದು ಹೇಳಲಾಗುತ್ತಿದೆ.