ನವದೆಹಲಿ: ಭಾರತದಲ್ಲಿ ಅಕ್ರಮವಾಗಿ ವಾಸಿಸುತ್ತಿರುವ 28 ,356 ವಿದೇಶಿಗರ ಪಾಕಿಸ್ತಾನದವರು ಹೆಚ್ಚಿನ ಸಂಖ್ಯೆಯಲ್ಲಿದ್ದಾರೆ ಎಂದು ಕೇಂದ್ರ ಸರ್ಕಾರ ತಿಳಿಸಿದೆ.

ಲೋಕಸಭೆಯಲ್ಲಿ ಈ ಬಗ್ಗೆ ಮಾಹಿತಿ ನೀಡಿರುವ ಗೃಹ ಖಾತೆ ರಾಜ್ಯ ಸಚಿವ ಕಿರಣ್ ರಿಜಿಜು, 2014 ನಲ್ಲಿ ಅತಿ ಹೆಚ್ಚು ಗಡಿಪಾರು ಮಾಡಲಾದ ನಾಗರಿಕರು ನೈಜಿರಿಯಾದವರಾಗಿದ್ದರು. ಅಕ್ರಮವಾಗಿ ಭಾರತದಲ್ಲಿ ವಾಸಿಸುತ್ತಿರುವ ಒಟ್ಟು 28 ,356 ವಿದೇಶಿಗರ ಪೈಕಿ 4 ,335 ಜನರು ಪಾಕಿಸ್ತಾನದವರಾಗಿದ್ದಾರೆ, 3 ,857 ಶ್ರೀಲಂಕಾದವರು, 1,772 ಜನರು ದಕ್ಷಿಣ ಕೊರಿಯಾದವರು, 1,625 ಇರಾಕ್ ಮೂಲದವರಾಗಿದ್ದರೆ  1,291 ಅಮೆರಿಕಾದವರಿದ್ದಾರೆ ಎಂದು ಹೇಳಿದ್ದಾರೆ.

2014 ರಲ್ಲಿ ಒಟ್ಟು 1 ,010 ನೈಜಿರಿಯಾ ಪ್ರಜೆಗಳನ್ನು, 989 ಬಾಂಗ್ಲಾ ದೇಶಿ ನಾಗರಿಕರನ್ನು ಗಡಿಪಾರು ಮಾಡಲಾಗಿತ್ತು, 2014 ರಲ್ಲಿ ಅಕ್ರಮವಾಗಿ ವಾಸಿಸುತ್ತಿದ್ದ ಅತಿ ಹೆಚ್ಚು ಜನರು ತಮಿಳುನಾಡಿನಲ್ಲಿ ವಾಸವಾಗಿದ್ದರು, ಅತಿ ಹೆಚ್ಚು ಅಕ್ರಮವಾಸಿಗಳಿಗೆ ಆಶ್ರಯ ನೀಡಿದ್ದ ಎರಡನೇ ನಗರ ಮಹಾರಾಷ್ಟ್ರವಾಗಿತ್ತು. ಅಕ್ರಮ ವಾಸವನ್ನು ತಡೆಗಟ್ಟಲು ಕ್ರಮ ಕೈಗೊಳ್ಳಲಾಗಿದೆ ಎಂದು ಕಿರಣ್ ರಿಜಿಜು ತಿಳಿಸಿದ್ದಾರೆ.