ನವದೆಹಲಿ: ಭಾರತೀಯ ಸೇನೆ ಮೇಲೆ ದಾಳಿಗೆ ಲಷ್ಕರ್ ಎ ತೊಯ್ಬಾ ಉಗ್ರ ಸಂಘಟನೆ ಸಂಚು ರೂಪಿಸಿದೆ ಎಂಬ ಸ್ಫೋಟಕ ಮಾಹಿತಿಯನ್ನು ಗುಪ್ತಚರ ಇಲಾಖೆ ನೀಡಿದೆ.

ಲಷ್ಕರ್-ಎ-ತೊಯ್ಬಾ ಉಗ್ರ ಸಂಘಟನೆಯ ಕಾಶ್ಮೀರ ಮುಖ್ಯಸ್ಥ ಅಬು ದುಜಾನ ನೇತೃತ್ವದಲ್ಲಿ 10 ಮಂದಿ ಉಗ್ರರು ಭಾರತೀಯ ಸೇನೆ ಮೇಲೆ ದಾಳಿ ನಡೆಸಲು ತಯಾರಿ ನಡೆಸಿದ್ದಾರೆ ಎಂದು ಗುಪ್ತಚರ ಇಲಾಖೆ ಎಚ್ಚರಿಕೆ ನೀಡಿದೆ. ಎಲ್​ಇಟಿ ಉನ್ನತ ನಾಯಕರ ಜತೆ ದುಜಾನ ನಡೆಸಿದ ಟೆಲಿಫೋನ್ ಕರೆ ಸಂಭಾಷಣೆಯಲ್ಲಿ ದಾಳಿ ನಡೆಸುವಂತೆ ಲಷ್ಕರ್​ಗೆ ಸೂಚನೆ ನೀಡಲಾಗಿದೆ.

ಇನ್ನು ಬಿಎಸ್​ಎಫ್ ಯೋಧರ ಮೇಲೆ ದಾಳಿ ಮಾಡಿ ಅವರ ಬಳಿ ಇರುವ ಶಸ್ತ್ರಾಸ್ತ್ರಗಳ ಲೂಟಿ ಮಾಡಿದವರಿಗೆ ಅವರಿಗೆ 1 ಲಕ್ಷ ರುಪಾಯಿ ಬಹುಮಾನ ನೀಡುವುದಾಗಿ ಉಗ್ರ ಸಂಘಟನೆ ಘೋಷಣೆ ಮಾಡಿದೆ. ಇತ್ತೀಚೆಗೆ ಭದ್ರತಾ ಪಡೆ ಯೋಧರು ನಡೆಸಿದ ಕಾರ್ಯಚರಣೆ ವೇಳೆ ಕೂದಲೆಳೆಯ ಅಂತರದಲ್ಲಿ ದುಜಾನ ಮತ್ತು ಇನ್ನಿತರ 4 ಉಗ್ರರು ತಪ್ಪಿಸಿಕೊಂಡಿದ್ದರು.