ನವದೆಹಲಿ: ಭಾರತದ 4,000 ಆಗರ್ಭ ಶ್ರೀಮಂತರು ವಿದೇಶಗಳಿಗೆ ವಲಸೆ ಹೋಗಿದ್ದಾರೆ ಎಂದು ಕಳೆದ ವರ್ಷದ ಅಂಕಿ ಅಂಶಗಳು ತಿಳಿಸಿವೆ. ಜಾಗತಿಕವಾಗಿ ಶೀಮಂತರು ದೇಶ ತೊರೆಯುವ ರಾಷ್ಟ್ರಗಳ ಪೈಕಿ, ಭಾರತ ನಾಲ್ಕನೇ ದೊಡ್ಡ ರಾಷ್ಟ್ರವಾಗಿದೆ .

2015 ರ ಅಂಕಿ ಅಂಶಗಳ ಪ್ರಕಾರ, 4000 ಭಾರತೀಯ ಶ್ರೀಮಂತರು ದೇಶದಿಂದ ವಲಸೆ ಹೋಗಿದ್ದಾರೆ. ಆಗರ್ಭ ಶ್ರೀಮಂತರು ದೇಶ ತೊರೆಯುವ ರಾಷ್ಟ್ರಗಳ ಪೈಕಿ ಫ್ರಾನ್ಸ್ ಮೊದಲ ಸ್ಥಾನದಲ್ಲಿದ್ದು, 10 ಸಾವಿರ ಶ್ರೀಮಂತರು ದೇಶ ತೊರೆದಿದ್ದಾರೆ ಎಂದು ವರದಿಯಲ್ಲಿ ಹೇಳಲಾಗಿದೆ.

ವಲಸೆ ಹೋಗುವ ಸಿರಿವಂತರ ಸಂಖ್ಯೆ ಭಾರತ ಮತ್ತು ಚೀನಾ ದೇಶದಲ್ಲಿ ಇತ್ತೀಚೆಗೆ ಹೆಚ್ಚಿದೆ. ವಲಸೆ ಹೋಗುವ ಶ್ರೀಮಂತರಿಗಿಂತ ಹೊಸದಾಗಿ ಶ್ರೀಮಂತರಾಗುತ್ತಿರುವ ಸಂಖ್ಯೆ ಭಾರತ ಮತ್ತು ಚೀನಾ ದೇಶದಲ್ಲಿ ಹೆಚ್ಚಿಗೆ ಇದೆ. ಈ ದೇಶಗಳಲ್ಲಿ ಜೀವನ ಮಟ್ಟದಲ್ಲಿ ಸುಧಾರಣೆ ಕಂಡು ಬಂದರೆ ವಲಸೆ ಹೋದ ಅನೇಕ ಶ್ರೀಮಂತರು ಮರಳಿ ತಮ್ಮ ದೇಶಕ್ಕೆ ಬರುವ ಸಾಧ್ಯತೆ ಇದೆ.

ಹೀಗೆ ಶ್ರೀಮಂತರು ವಲಸೆ ಹೋಗುವ ದೇಶಗಳ ಪೈಕಿ ಪ್ರಾನ್ಸ್ ಮೊದಲ ಸ್ಥಾನದಲ್ಲಿದೆ. ಚೀನಾದಿಂದ 9 ಸಾವಿರ ಶ್ರೀಮಂತರು ವಲಸೆ ಹೋಗಿದ್ದು, ವಲಸೆ ಹೋಗುವ ರಾಷ್ಟ್ರಗಳ ಪೈಕಿ ಚೀನಾ ಎರಡನೆ ಸ್ಥಾನದಲ್ಲಿದೆ. ಚೀನಾದಿಂದ 6 ಸಾವಿರ ಶ್ರೀಮಂತರು ವಲಸೆ ಹೋಗಿದ್ದು, ಇಟಲಿ ಮೂರನೆ ಸ್ಥಾನದಲ್ಲಿದೆ.