ನವದೆಹಲಿ: ತಾಯಿ ಅಂತಿಮ ಸಂಸ್ಕಾರದಲ್ಲಿ ಪಾಲ್ಗೊಳ್ಳಲು ಸಹರಾ ಸಂಸ್ಥೆ ಮುಖ್ಯಸ್ಥ ಸುಬ್ರತಾ ರಾಯ್ ಗೆ ಸುಪ್ರೀಂಕೋರ್ಟ್ ಪೆರೋಲ್ ನೀಡಿದೆ. 

1 ತಿಂಗಳ ಅವಧಿಗೆ ಪೆರೋಲ್ ಮೇಲೆ ಸುಬ್ರತಾ ರಾಯ್ ಅವರನ್ನು ಬಿಡುಗಡೆಗೊಳಿಸುವಂತೆ ಸುಪ್ರೀಂಕೋರ್ಟ್ ಆದೇಶಿಸಿದೆ. 

ಷೇರುದಾರರಿಗೆ ನೀಡಬೇಕಿದ್ದ ಹಣವನ್ನು ನೀಡಲಾಗದೇ ಜೈಲು ಪಾಲಾಗಿದ್ದ ಸಹರಾ ಸಂಸ್ಥೆ ಮುಕ್ಯಸ್ಥ ಸುಬ್ರತಾ ರಾಯ್ ಅವರ ತಾಯಿ 95 ವರ್ಷದ ಛಬಿರಾಯ್ ಅವರು ಶುಕ್ರವಾರ ಮುಂಜಾನೆ ನಿಧನರಾಗಿದ್ದಾರೆ. 

ಕಳೆದ ಎರಡು ವರ್ಷದಳಿಂದ ಅನಾರೋಗ್ಯ ಪೀಡಿತರಾಗಿದ್ದ ಛಬಿರಾಯ್ ಅವರು, ಕೆಲ ದಿನಗಳಿಂದ ಗಂಭೀರ ಸ್ಥಿತಿಯಲ್ಲಿದ್ದರು. ಹೀಗಾಗಿ ಅವರನ್ನು ಲಖನೌನ ಸಹರಾ ಶಹರ್ ನಲ್ಲಿರುವ ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು. ಆದರೆ ಇಂದು ಮುಂಜಾನೆ ಅವರು ಚಿಕಿತ್ಸೆ  ಫಲಕಾರಿಯಾಗದೇ ಇಹಲೋಕ ತ್ಯಜಿಸಿದ್ದಾರೆ.