ಮಧುರೈ: 15 ನೇ ತಮಿಳುನಾಡು ವಿಧಾನಸಭೆ ಶಾಸಕನಾಗಿ ಪ್ರಮಾಣವಚನ ಸ್ವೀಕರಿಸಿದ ಕೆಲವೇ ಗಂಟೆಗಳಲ್ಲಿ ಎಐಎಡಿಎಂಕೆ ಶಾಸಕ ಎಸ್.ಎಂ ಸೀನಿವೈಲ್ ಅಸು ನೀಗಿದ್ದಾರೆ.

65 ವರ್ಷದ ಸೀನಿವೈಲ್ ತಿರುಪ್ಪರಕುಂದರಮ್ ವಿಧಾನಸಭಾ ಕ್ಷೇತ್ರದಿಂದ ಚುನಾಯಿತರಾಗಿದ್ದರು. ಪಾರ್ಶ್ವವಾಯುಗೆ ತುತ್ತಾಗಿದ್ದ ಸೀನಿವೈಲ್ ಮಧುರೈ ನ ವಡಮಲಯಂ ಆಸ್ಪತ್ರೆಯಲ್ಲಿ ನಿಧನರಾಗಿದ್ದಾರೆ.

ಮೃತರು ಪತ್ನಿ, ಮೂವರು ಹೆಣ್ಣು ಮಕ್ಕಳು ಮತ್ತು ಒಬ್ಬ ಪುತ್ರನನ್ನು ಅಗಲಿದ್ದಾರೆ. ಕಳೆದ ಮೇ 18 ರಂದು ಪಾರ್ಶ್ವಪಾಯು ಪೀಡಿತರಾಗಿ ಆಸ್ಪತ್ರೆಗೆ ದಾಖಲಾಗಿದ್ದ ಸೀನಿವೈಲ್ ಅವರನ್ನು ಸತ್ತು ಹೋದರೆಂದು ಕೆಲ ಮಾಧ್ಯಮಗಳು ವರದಿ ಮಾಡಿದ್ದವು.