ನವದೆಹಲಿ: ಭಾರತೀಯ ವಾಯುಸೇನೆ ಶುಕ್ರವಾರ ರಾಜಸ್ಥಾನದ ಜೈಸಲ್ಮೇರ್ ಜಿಲ್ಲೆಯ ಪೋಖ್ರಾನ್ ಅಂಗಳದ ನೌಕೆಯಿಂದ ಬ್ರಹ್ಮೋಸ್ ಸೂಪರ್​ಸಾನಿಕ್ ಕ್ಷಿಪಣಿಯ ಸುಧಾರಿತ ಆವೃತ್ತಿಯ ಯಶಸ್ವಿ ಪರೀಕ್ಷೆ ನಡೆಸಿತು. 

ಜಗತ್ತಿನ ಅತಿ ವೇಗದ ನೌಕೆಯಿಂದ ಭೂಮಿಗೆ ನೆಗೆಯುವ ಈ ಕ್ಷಿಪಣಿಯನ್ನು ರಷ್ಯಾ-ಭಾರತ ಜಂಟಿಯಾಗಿ ಅಭಿವೃದ್ದಿಪಡಿಸಿವೆ. ನಿಗದಿತ ಗುರಿಯನ್ನು ಅತಿ ವೇಗವಾಗಿ ಮುಟ್ಟಬಲ್ಲ ಸಾಮರ್ಥ್ಯ ಹೊಂದಿರುವ ಬ್ರಹ್ಮೋಸ್ ಪರೀಕ್ಷಾರ್ಥ ಪ್ರಯೋಗ ಯಶಸ್ವಿಯಾಗಿ ನೆರವೇರಿದೆ.

ಸೀಮಿತ ವ್ಯಾಪ್ತಿಯ ಕ್ಷಿಪಣಿಯಾದ ಬ್ರಹ್ಮೋಸ್​ನ್ನು ಅಂತರ್ಗಾಮಿ ನೌಕೆ, ಹಡಗು, ವಿಮಾನ ಅಥವಾ ಭೂಮಿಯಿಂದ ಪ್ರಯೋಗಿಸಬಹುದಾಗಿದೆ. ಭಾರತದ ಬ್ರಹ್ಮಪುತ್ರ ಮತ್ತು ರಷ್ಯಾದ ಮೊಸ್ಕೊವ ನದಿಯ ಹೆಸರುಗಳನ್ನು ಕೂಡಿಸಿ ‘ಬ್ರಹ್ಮೋಸ್’ ಎಂಬ ಹೆಸರನ್ನು ಈ ಕ್ಷಿಪಣಿಗೆ ನೀಡಲಾಗಿದೆ.

ಕ್ಷಿಪಣಿಯ ವ್ಯಾಪ್ತಿಯು 290 ಕಿ ಮೀ ಆಗಿದ್ದು, ಗರಿಷ್ಠ ವೇಗ 2.8 ಮ್ಯಾಕ್. ಹಡಗಿನಿಂದ 10 ಮೀಟರ್​ನಿಂದ 15 ಕಿ ಮೀ ವರೆಗಿನ ಎತ್ತರಕ್ಕೆ ಹಾರಬಲ್ಲದ್ದಾಗಿದೆ. ಭೂಮಿಯಿಂದ ನೆಗೆಯುವ ಬ್ರಹ್ಮೋಸ್ ಕ್ಷಿಪಣಿಯ ಆವೃತ್ತಿಯನ್ನು ಮೊಬೈಲ್ ಸ್ವಾಯತ್ತತೆಯ ಲಾಂಚರ್ ಮೂಲಕ ಅಭಿವೃದ್ದಿಪಡಿಸಿ ಮುಂಬರುವ ಕೆಲ ವರ್ಷಗಳಲ್ಲಿ ಬ್ಲಾಕ್ 1, 2, 3 ಯಾಗಿ ರೂಪಾಂತರಿಸಲಾಗುವುದು. ವಾಯುಸೇನೆಯ ಫೈಟರ್ ಜೆಟ್ ಸು-30ಎಮ್ೆಐ ಮೂಲಕ ಶೀಘ್ರದಲ್ಲೆ ಪರೀಕ್ಷಾರ್ಥ ಪ್ರಯೋಗ ನಡೆಸಲಾಗುವುದು ಎಂದು ವಾಯುಸೇನೆ ಅಧಿಕಾರಿಗಳು ಖಚಿತಪಡಿಸಿದ್ದಾರೆ.