ಮುಂಬೈ: ಸ್ವದೇಶಿ ನಿರ್ಮಿತ ಮತ್ತು ವಿನ್ಯಾಸದ ಕೋಲ್ಕತಾ ದರ್ಜೆಯ ನಿರ್ದೇಶಿತ ಕ್ಷಿಪಣಿ ನಾಶಕ ಐಎನ್ಎಸ್ ಚೆನ್ನೈ ಸೋಮವಾರ ಭಾರತೀಯ ನೌಕಾಪಡೆಗೆ ಸೇರ್ಪಡೆಯಾಗಿದೆ.

ರಕ್ಷಣಾ ಸಚಿವ ಮನೋಹರ್ ಪರಿಕ್ಕರ್ ಐಎನ್ಎಸ್ ಚೆನ್ನೈಯನ್ನು ಇಂದು ಮುಂಬೈಯಲ್ಲಿ ನಡೆದ ವರ್ಣರಂಜಿತ ಸಮಾರಂಭದಲ್ಲಿ ನೌಕಾಪಡೆಗೆ ಸೇರಿಸಿದರು.

ಪಶ್ಚಿಮ ನೌಕಾ ಕಮಾಂಡ್ ನ ಫ್ಲಾಗ್ ಅಧಿಕಾರಿ ಕಮಾಂಡಿಂಗ್ ಇನ್ ಚೀಫ್ ಅವರ ಕಾರ್ಯನಿರ್ವಹಣೆ ಮತ್ತು ಆಡಳಿತಾತ್ಮಕ ನಿಯಂತ್ರಣದಡಿಯಲ್ಲಿ ಐಎನ್ಎಸ್ ಚೆನ್ನೈ ಇರುತ್ತದೆ. ಹಡಗು ಹರಡುವ ವ್ಯವಸ್ಥೆಯ ಕೆಲವು ಹೆಚ್ಚುವರಿ ಸಾಗರ ಪ್ರಯೋಗಗಳನ್ನು ನಡೆಸಿದ ನಂತರ ಅದನ್ನು ಪಶ್ಚಿಮ ನೌಕಾಪಡೆಗೆ ಸೇರಿಸಲಾಗುತ್ತದೆ ಮತ್ತು ಅದು ಮುಂಬೈಯಲ್ಲಿ ಇರಲಿದೆ.

ಐಎನ್ಎಸ್ ಚೆನ್ನೈಯನ್ನು ಮುಂಬೈಯ ಮಝಗೌನ್ ಡೊಕ್ ಶಿಪ್ ಬಿಲ್ಡರ್ಸ್ ಲಿಮಿಟೆಡ್ ವಿನ್ಯಾಸಗೊಳಿಸಿದೆ. ಭಾರತಲ್ಲಿ ನಿರ್ಮಾಣಗೊಂಡ ಅತಿ ದೊಡ್ಡ ಕ್ಷಿಪಣಿ ನಾಶಕ ಹಡಗಾಗಿದ್ದು 164 ಮೀಟರ್ ಉದ್ದ ಮತ್ತು 7,500 ಟನ್ ತೂಕವನ್ನು ಹೊಂದಿದೆ.