ಚೆನ್ನೈ: ಮುಖ್ಯಮಂತ್ರಿ ಜಯಲಲಿತಾರಿಂದ ಮಾತ್ರ ತಮಿಳುನಾಡಿಗೆ ಕಾವೇರಿ ನೀರು ತರಲು ಸಾಧ್ಯ ಎಂದು ಎಐಡಿಎಂಕೆ ಗುರುವಾರ ಹೇಳಿದೆ.

ಈ ಕುರಿತಂತೆ ಮಾತನಾಡಿರುವ ಎಐಎಡಿಎಂಕೆ ನಾಯಕಿ ಸಿ.ಆರ್. ಸರಸ್ವತಿ ಅವರು, ತಮಿಳುನಾಡಿನ ಪರವಾಗಿ ನ್ಯಾಯ ನೀಡಿದ್ದಕ್ಕೆ ಸುಪ್ರೀಂಕೋರ್ಟ್ ಗೆ ಧನ್ಯವಾದಗಳು. ಕಾವೇರಿ ನದಿ ನೀರು ಕುರಿತಂತೆ ಯಾವ ರೀತಿಯಲ್ಲಿ ಹೋರಾಟ ಮಾಡಬೇಕು ಹಾಗೂ ಯಾವ ರೀತಿಯಲ್ಲಿ ಹೆಜ್ಜೆ ಇಡಬೇಕೆಂಬುದು ಕೇವಲ ಮುಖ್ಯಮಂತ್ರಿ ಜಯಲಲಿತಾ ಅವರಿಗೆ ಮಾತ್ರ ಗೊತ್ತು. ಕಾವೇರಿ ನೀರನ್ನು ತಮಿಳುನಾಡಿಗೆ ತರುವ ಶಕ್ತಿ ಜಯಲಲಿತಾ ಅವರ ಕೈಯಲ್ಲಿ ಮಾತ್ರ ಇದೆ ಎಂದು ಹೇಳಿದ್ದಾರೆ.

ಕಾವೇರಿ ವಿವಾದ ಸಂಬಂಧಿಸಿದಂತೆ ಕೆಲ ದಿನಗಳ ಹಿಂದೆ ಡಿಎಂಕೆ ನಡೆಸಿದ್ದ ರೈಲ್ ರೊಕೋ ಪ್ರತಿಭಟನೆ ಕೇವಲ ರಾಜಕೀಯ ನಾಟಕವಷ್ಟೇ. ಅಧಿಕಾರದಲ್ಲಿ ಸಮಯದಲ್ಲಿ ಈ ರೀತಿಯ ಯಾವುದೇ ಪ್ರತಿಭಟನೆಗಳನ್ನುಅವರು ಮಾಡಿರಲಿಲ್ಲ. ಇದೀಗ ಕಾವೇರಿ ಬಗ್ಗೆ ಬಹಳ ಚಿಂತೆ ಇರುವಂತೆ ವರ್ತಿಸುತ್ತಿದೆ. ಡಿಎಕೆ ಪ್ರತಿಭಟನೆ ಕೇವಲ ರಾಜಕೀಯ ನಾಟಕವಷ್ಟೇ ಎಂದು ತಿಳಿಸಿದ್ದಾರೆ.