ಪ್ರಾಣಕ್ಕೆ ಪ್ರಾಣವಾಗಿ ಪ್ರೀತಿಸುತ್ತಿದ್ದ ಮುಸ್ಲಿಂ ಜೋಡಿಯೊಂದು ಪೋಷಕರು ಹಾಗೂ ಸಮುದಾಯದವರ ವಿರೋಧದಿಂದಾಗಿ ಮನೆ ಬಿಟ್ಟು ಪರಾರಿಯಾಗಿ ಸಂಧಾನದ ಬಳಿಕ ಶಿವ ದೇವಾಲಯದಲ್ಲಿ ಮದುವೆ ಮಾಡಿಕೊಂಡ ಅಪರೂಪದ ಮದುವೆ ಬಿಹಾರದಲ್ಲಿ ನಡೆದಿದೆ.
ಬಿಹಾರದ ಸಪೌಲ್ ಜಿಲ್ಲೆಯ ಭೀಮನಗರ ಗ್ರಾಮದ ಶಿವ ದೇವಾಲಯದಲ್ಲಿ ಮೊಹಮ್ಮದ್ ಸೊಹಾನ್, ನೌರೇಖಾ ಖಾತುನ್ ಜೋಡಿಯ ನಿಖಾವನ್ನು ಹಿಂದೂ-ಮುಸ್ಲಿಂ ಸಮುದಾಯದವರೇ ನಿಂತು ಮಾಡಿಸಿದ್ದಾರೆ.
ಪೋಷಕರ ವಿರೋಧದಿಂದಾಗಿ ಈ ಜೋಡಿ ಕಳೆದ ದಸರಾ ವೇಳೆ ದೆಹಲಿಗೆ ಓಡಿ ಹೋಗಿದ್ದರು. ಬಳಿಕ ಪಂಚಾಯಿತಿ ಚರ್ಚೆಯಲ್ಲಿ ಇಬ್ಬರಿಗೂ ಮದುವೆ ಮಾಡಿಸಬೇಕು ಎಂಬ ತೀರ್ಮಾನಕ್ಕೆ ಬರಲಾಗಿತ್ತು. ಅದರಂತೆ ಮನೆ ಬಿಟ್ಟು ಹೋಗಿದ್ದ ಜೋಡಿಯನ್ನು ಕರೆದು ಸ್ಥಳೀಯ ಶಿವ ದೇವಾಲಯದಲ್ಲಿ ಸರ್ವರ ಸಮಕ್ಷಮದಲ್ಲಿ ವಿವಾಹ ನೆರವೇರಿಸಲಾಗಿದೆ.