ಐಜ್ವಾಲ್: 2016 ರ ಫೆಬ್ರವರಿಯಿಂದ ಕಳೆದ ತಿಂಗಳ ವರೆಗೂ ಮಿಜೋರಾಂ ನಲ್ಲಿ ಕನಿಷ್ಠ 649 ಜನರು ಡೆಂಗ್ಯೂ ಜ್ವರ ಎದುರಿಸಿದ್ದಾರೆ ಎಂದು ರೋಗ ನಿಗ್ರಹ ವಿಚಕ್ಷಣ ಯೋಜನೆಯ ಅಧಿಕಾರಿಯೊಬ್ಬರು ಮಾಹಿತಿ ನೀಡಿದ್ದಾರೆ. 

ಲುಂಗ್ಲೈ ಜಿಲ್ಲೆಯನ್ನು ಹೊರತುಪಡಿಸಿ ಉಳಿದೆಲ್ಲಾ ಜಿಲ್ಲೆಯಲ್ಲಿ ಡೆಂಗ್ಯೂ ಜ್ವರ ಹರಡಿರುವ ಬಗ್ಗೆ ವರದಿಗಳಾಗಿದ್ದು, ಜನವರಿಯಲ್ಲಿ 6 ಪ್ರಕರಣಗಳು ವರದಿಯಾಗಿದೆ ಎಂದು ಐಡಿಎಸ್ ಪಿ ಯೋಜನೆಯ ನೋಡಲ್ ಅಧಿಕಾರಿ ತಿಳಿಸಿದ್ದಾರೆ. 

2016 ರಲ್ಲಿ ಒಟ್ಟು 643 ಪ್ರಕರಣಗಳು ಬೆಳಕಿಗೆ ಬಂದಿದ್ದು ಅತಿ ಹೆಚ್ಚು ಪ್ರಕರಣಗಳು ಐಜ್ವಾಲ್ ಜಿಲ್ಲೆಯಲ್ಲಿ ದಾಖಲಾಗಿವೆ. ಐಜ್ವಾಲ್ ಗೆ ಭೇಟಿ ನೀಡಿದ ವೇಳೆ ಡೆಂಗ್ಯೂ ಜ್ವರಕ್ಕೆ ತುತ್ತಾದವರೂ ಹೆಚ್ಚಿನ ಮಂದಿ ಇದ್ದಾರೆ, ಅದೃಷ್ಟವಶಾತ್ ಈ ವರೆಗೂ ಜೀವಹಾನಿಯಾಗಿಲ್ಲ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.