ಸೂರತ್: ಹಸುವನ್ನು ಬೇಟೆಯಾಡಲು ಹವಣಿಸುತ್ತಿದ್ದ ಸಿಂಹವನ್ನು ಬೆದರಿಸಿ ಓಡಿಸಿದ ದನಗಾಹಿ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಗುಜರಾತ್ ನ ಗಿರ್ ಅರಣ್ಯ ವ್ಯಾಪ್ತಿಯಲ್ಲಿ ದನಗಾಹಿಯೊಬ್ಬರು ಹಸುಗಳನ್ನು ಮೇಯಿಸುತ್ತಿದ್ದರು. ಹಸುಗಳು ರಸ್ತೆಯಲ್ಲಿ ಬರುತ್ತಿದ್ದುದ್ದನ್ನು ಗಮನಿಸಿದ ಸಿಂಹ ಬೇಟೆಯಾಡಲು ರಸ್ತೆಯಲ್ಲಿ ಕುಳಿತುಕೊಂಡು ಹೊಂಚು ಹಾಕುತ್ತಿತ್ತು. ಇದನ್ನು ಗಮನಿಸಿದ ದನಗಾಹಿ ಜೋರಾಗಿ ಕಿರುಚುತ್ತಾ ಓಡಿ ಬಂದಿದ್ದಾರೆ. ಇದರಿಂದ ಬೆದರಿದ ಸಿಂಹ ಅಲ್ಲಿಂದ ಕಾಲ್ತಿತ್ತಿದೆ.
ಗಿರ್ ಅರಣ್ಯಕ್ಕೆ ಪ್ರವಾಸಕ್ಕೆ ಬಂದಿದ್ದ ಪ್ರವಾಸಿಗರೊಬ್ಬರು ಸಿಂಹದ ವಿಡಿಯೋ ಮಾಡುತ್ತಾ ಅದನ್ನು ಹಿಂಬಾಲಿಸಿಕೊಂಡು ಬಂದಿದ್ದಾರೆ. ಆಗ ಈ ವಿಡಿಯೋ ಸೆರೆಯಾಗಿದೆ. ನಂತರ ಪ್ರವಾಸಿಗ ಇದನ್ನು ಯೂಟ್ಯೂಬ್ ಗೆ ಅಪ್ಲೋಡ್ ಮಾಡಿದ್ದಾರೆ.