ನವದೆಹಲಿ: ಸುಪ್ರೀಂಕೋರ್ಟ್ ನಲ್ಲಿ ವಿಚಾರಣೆ ವೇಳೆ ಕೇರಳ ಪರ ಹಾಜರಾದ ವಕೀಲರೊಬ್ಬರು ಕೊಳಕು ಪದ ಬಳಸಿದ ಘಟನೆ ನಡೆಸಿದೆ. 

ಕೇರಳ ವಕೀಲರ ಅಸಂಸದೀಯ ಪದ ಬಳಕೆ ಮಾಡಿದ್ದರಿಂದ ಕೆರಳಿದ ಮುಖ್ಯ ನ್ಯಾಯಾಧೀಶರು ವಕೀಲರಿಗೆ ಇಡೀ ದಿನ ವಿಚಾರಣೆಯಲ್ಲಿ ಪಾಲ್ಗೊಳ್ಳದಂತೆ ನಿರ್ಬಂಧಿಸಿತು. ವಕೀಲ ವಿಕಾಸ್ ಸಿಂಗ್ ಪದೇ ಪದೇ ಕ್ಷಮೆ ಕೇಳಿದರೂ ನ್ಯಾಯಾಲಯ ಅದನ್ನು ಪರಿಗಣಿಸಲಿಲ್ಲ. 

ವಿಚಾರಣೆ ವೇಳೆ ಸ್ವಹಿತಾಸಕ್ತಿ ಕುರಿತು ವಾದಿಸುತ್ತಿದ್ದ ವಿಕಾಸ್ ಸಿಂಗ್, ಲೋಧಾ ಸಮಿತಿ ಕೂಡ ಸ್ವಹಿತಾಸಕ್ತಿ ಎದುರಿಸುತ್ತಿದೆ. ಲೋಧಾ ಸಮಿತಿ ತನ್ನ ಸೇವೆಗೆ ಬಿಸಿಸಿಐನಿಂದ 3 ಕೋಟಿ ರುಪಾಯಿ ಪಡೆಯುತ್ತಿದೆ ಎಂದು ಹೇಳುತ್ತಿದ್ದರು. ವಾದದ ಭರದಲ್ಲಿ ಅತೀ ಕೊಳಕು ಪದವನ್ನು ಬಳಕೆ ಮಾಡಿದರು. ಇದರಿಂದ ಕೆರಳಿದ ನ್ಯಾಯಾಲಯ ಉತ್ತರಪ್ರದೇಶದ ಜಿಲ್ಲಾ ನ್ಯಾಯಾಲಯದಲ್ಲೂ ಇಂತಹ ಪದಗಳನ್ನು ಬಳಸುವುದಿಲ್ಲ ಎಂದು ಅಭಿಪ್ರಾಯಪಟ್ಟಿತು.