ನವದೆಹಲಿ: ನೂತನ ಲೆಪ್ಟಿನೆಂಟ್ ಗವರ್ನರ್ ಅನಿಲ್ ಬೈಜಲ್ ಜೊತೆ ಎಎಪಿ ಸಂಬಂಧ ಹಿತಕರವಾಗಿದೆ, ಪಂಜಾಬ್ ಮತ್ತು ಗೋವಾ ವಿಧಾನಸಭೆ ಚುನಾವಣೆಗಳಲ್ಲಿ ಎಎಪಿ ಜಯಗಳಿಸಿದೆ ಎಂದು ದೆಹಲಿ ಉಪ ಮುಖ್ಯಮಂತ್ರಿ ಮನೀಶ್ ಸಿಸೋಡಿಯಾ ಹೇಳಿದ್ದಾರೆ.

ಪ್ರಮುಖ ರಾಜ್ಯವಾದ ಪಂಜಾಬ್ ವಿಧಾನಸಭೆ ಚುನಾವಣೆ ಗೆಲುವು ಆಮ್ ಆದ್ಮಿ ಪಕ್ಷದ ಕ್ಲೀನ್ ಪಾಲಿಟಿಕ್ಸ್ ಗೆ ಮತ್ತಷ್ಟು ಬೆಂಬಲ ನೀಡಲಿದೆ ಎಂದು ಅವರು ತಿಳಿಸಿದ್ದಾರೆ.

ಸಂದರ್ಶನವೊಂದರಲ್ಲಿ ಮಾತನಾಡಿದ ಸಿಸೋಡಿಯಾ ಡಿಸೆಂಬರ್ 31 ರಂದು ದೆಹಲಿಯ ಲೆಫ್ಟಿನೆಂಟ್ ಗವರ್ನರ್ ಆಗಿ ಅಧಿಕಾರ ಸ್ವೀಕರಿಸಿದ ಬೈಜಲ್ ಜೊತೆ ಎಎಪಿ ಸರ್ಕಾರ ಆರಾಮವಾಗಿದೆ ಎಂದು ತಿಳಿಸಿದ್ದಾರೆ.

ನಾನು ಹಲವು ಬಾರಿ ಬೈಜಲ್ ಅವರನ್ನು ಭೇಟಿ ಮಾಡಿದ್ದು, ನಜೀಬ್ ಜಂಗ್ ಅವರ ಅವಧಿಯಲ್ಲಿ ತಡೆಹಿಡಿದಿದ್ದ ಹಲವು ಕಡತಗಳನ್ನು ಅನುಮೋದಿಸಿದ್ದಾರೆ. ಈ ಹಿಂಜೆ ನಜೀಬ್ ಜಂಗ್ ಅವರ ಜೊತೆ ಆಪ್ ಸರ್ಕಾರ ಹಲವು ಬಾರಿ ಸಂಘರ್ಷಕ್ಕೊಳಗಾಗಿತ್ತು ಎಂದು ಅವರು ತಿಳಿಸಿದ್ದಾರೆ.